Overnattingar, juli 2012

I juli i år var det 2,51 millionar overnattingar ved norske hotell, ein nedgang på 1 prosent frå juli i fjor. Talet på norske hotellovernattingar var om lag uendra, medan utanlandske overnattingar gjekk ned 5 prosent i same perioden.

Samanlikna med juli 2011 gjekk losjiomsetninga for hotella opp med 3 prosent, frå 1 042 millionar kroner til 1 076 millionar kroner. Oppnådd pris per rom steig i same perioden frå 765 til 782 kroner.

Talet på yrkesovernattingar steig med 3 prosent i fellesferiemånaden. Kurs- og konferanseovernattingar og ferie- og fritidsovernattingar gjekk i same perioden ned med høvesvis 3 og 2 prosent.

Stadig færre campingovernattingar

Frå juli 2011 til juli 2012 gjekk talet på campingovernattingar ned med 3 prosent, frå 2,52 millionar til 2,44 millionar overnattingar. Det var ein reduksjon av norske og utanlandske campingovernattingar på høvesvis 2 og 6 prosent.

Fleire utanlandske hyttegrendovernattingar

Talet på overnattingar på hyttegrend gjekk opp med 7 prosent til 248 000 samanlikna med juli 2011. Det var 2 300 fleire norske og 14 400 fleire utanlandske hyttegrendovernattingar i juli 2012 enn i same månaden i fjor.

Totalt sett færre overnattingar i juli

I juli 2012 var det 5,3 millionar overnattingar ved alle norske overnattingsstader. Dette er ein nedgang på 2 prosent i høve til same månaden året før. Norske og utanlandske overnattingar gjekk i same perioden ned med høvesvis 1 og 4 prosent.

Auke i talet på overnattingar hittil i år

I perioden januar - juli 2012 var det 18,5 millionar overnattingar ved alle norske overnattingstader. Dette er ein auke på 1,5 prosent samanlikna med same perioden i 2011. Hotell- og andre overnattingsbedrifter gjekk opp frå 11,4 millionar til 11,7 millionar overnattingar. Campingplassane har hatt 54 000 færre overnattingar hittil i år. Hyttegrender har hatt ein auke på 3 prosent, medan norske vandrarheimar har hatt 2,5 prosent færre overnattingar.

Tabeller:

• Tabell 1 Hotell og liknande overnattingsbedrifter. Opne bedrifter, senger og rom, etter fylke. Juli. 2011 og 2012
• Tabell 2 Hotell og liknande overnattingsbedrifter. Overnattingar, etter gjestane sin nasjonalitet. Juli. 2011 og 2012
• Tabell 3 Hotell og liknande overnattingsbedrifter. Overnattingar og kapasitetsutnytting, etter fylke. Juli. 2011 og 2012
• Tabell 4 Hotell og liknande overnattingsbedrifter. Losjiomsetning og oppnådd pris per rom, etter fylke. Juli 2012
• Tabell 5 Hotell og liknande overnattingsbedrifter. Overnattingar, etter fylke og formål. Juli. 2011 og 2012
• Tabell 6 Campingplassar. Talet på campingplassar, etter månad og fylke. 2012
• Tabell 7 Campingplassar. Overnattingar, etter gjestane sin nasjonalitet og fylke.Juni 2012
• Tabell 8 Campingplassar. Overnattingar, etter overnattingsmåte og fylke. Juni 2012
• Tabell 9 Hyttegrender. Talet på bedrifter, etter månad og fylke. 2012
• Tabell 10 Hyttegrender. Overnattingar, etter gjestane sin nasjonalitet og fylke. Juli 2012
• Tabell 11 Overnattingar, etter gjestane sin nasjonalitet og bedriftsgruppe. Juli 2012
• Tabell 12 Overnattingar, etter gjestane sin nasjonalitet og bedriftsgruppe. Januar-juli 2012