84861_not-searchable
/transport-og-reiseliv/statistikker/overnatting/arkiv
84861
Færre norske hotellovernattingar
statistikk
2012-06-29T10:00:00.000Z
Transport og reiseliv;Svalbard
no
overnatting, Overnattingar, hotell, hyttegrender, campingplassar, vandrarheimar, gjestene sin nasjonalitet, kapasitetsutnytting, sengeplassar, hotellrom, romprisar, omsetning, ferieovernattingar, kursovernattingar, yrkesovernattingar, SvalbardReiseliv, Transport og reiseliv, Transport og reiseliv, Svalbard
false

Overnattingar, mai 2012

Innhald

Publisert:

Du er inne i ei arkivert publisering.

Gå til den nyaste publiseringa

Færre norske hotellovernattingar

Det 1,5 millionar overnattingar ved norske hotell i mai 2012. Dette er om lag det same talet som mai i fjor.

Alle overnattingsbedrifter. Overnattingar, etter gjestane sin nasjonalitet. Mai. 2011 og 2012

Omsetninga for hotella gjekk ned med 6 prosent, frå 1 035 millionar kroner til 974 millionar kroner, samanlikna med mai 2011. Prisen per rom fall frå 917 til 888 kroner i den same perioden.

Oppgang i utanlandske hotellovernattingar

I mai 2012 gjekk norske hotellovernattingar ned med 2 prosent, medan utanlandske hotellovernattingar auka med 9 prosent frå mai året før. Ferie- og fritids- og yrkesovernattingar gjekk opp med høvesvis 11 og 1 prosent i den same perioden, medan kurs- og konferanseovernattingar gjekk ned med 23 prosent.

Alle dei største utanlandske marknadene gjekk opp i talet på hotellovernattingar. Størst auke hadde Sverige med 19 000 fleire overnattingar.

Fleire campingovernattingar

Frå mai 2011 til mai 2012 gjekk talet på campingovernattingar opp med 3 prosent, frå 696 000 til 720 000 overnattingar. Norske og utanlandske campingovernattingar gjekk opp med høvesvis 2 og 9 prosent.

Hotell og liknande overnattingsbedrifter. Overnattingar, etter gjestane sin nasjonalitet. Mai. 2011 og 2012

Fleire hyttegrendovernattingar

Talet på overnattingar på hyttegrend gjekk opp med 20 prosent, til 100 000 overnattingar, frå mai 2011 til mai 2012. Det var 9 100 fleire norske og 7 500 fleire utanlandske hyttegrendovernattingar i den same perioden.

Totalt sett fleire overnattingar i mai

I mai 2012 var det 2,35 millionar overnattingar ved alle norske overnattingstader. Dette er ein oppgang på 2 prosent i høve til den same månaden året før. I mai 2012 var talet på norske overnattingar omlag det same som i mai 2011. Utanlandske overnattingar gjekk derimot opp med 9 prosent.

Auke i talet på overnattingar hittil i år

I perioden januar-mai 2012 var det 9,48 millionar overnattingar ved alle norske overnattingstader. Dette er ein auke på 3 prosent samanlikna med den same perioden i 2011. Hotell- og andre overnattingsbedrifter gjekk opp frå 6,9 millionar overnattingar i mai 2011 til 7,1 millionar overnattingar i mai 2012. Campingplassar steig med 5 prosent, medan hyttegrender og norske vandrarheimar hadde ein nedgang på 1 prosent i talet på overnattingar.

Akkumulerte tall

Sjå Statistikkbanken for samanlikningar mellom månadane hittil i år og tidlegare periodar. Ettersom det finst fleire flyttbare heilagdagar i Noreg, vil det vere naturleg å samanlikne fleire månader under eitt for å unngå denne feilkjelda.

Tal for hittil i år fins i tabellane 08401, 08402, 08403, 08404, 08405, 08406 og 08407.

Tabeller: