84859_not-searchable
/transport-og-reiseliv/statistikker/overnatting/arkiv
84859
Fleire utanlandske hotellovernattingar
statistikk
2012-06-01T10:00:00.000Z
Transport og reiseliv;Svalbard
no
overnatting, Overnattingar, hotell, hyttegrender, campingplassar, vandrarheimar, gjestene sin nasjonalitet, kapasitetsutnytting, sengeplassar, hotellrom, romprisar, omsetning, ferieovernattingar, kursovernattingar, yrkesovernattingar, SvalbardReiseliv, Transport og reiseliv, Transport og reiseliv, Svalbard
false

Overnattingar, april 2012

Innhald

Publisert:

Du er inne i ei arkivert publisering.

Gå til den nyaste publiseringa

Fleire utanlandske hotellovernattingar

I april i år var det 1,3 millionar overnattingar ved norske hotell. Det er om lag det same som i april i fjor.

Hotell og liknande overnattingsbedrifter. Overnattingar, etter gjestene sin nasjonalitet. April. 2011 og 2012

Alle overnattingsbedrifter. Overnattingar, etter gjestene sin nasjonalitet. April. 2011 og 2012

Samanlikna med 2011 gjekk omsetninga for hotella opp 6 prosent i april 2012, frå 728 millionar til 772 millionar kroner. Prisen per rom steig i same periode frå 849 til 866 kroner.

Oppgang i utanlandske hotellovernattingar

I april i år gjekk norske hotellovernattingar ned med 2 prosent, medan utanlandske auka med 6 prosent samanlikna med i fjor. Kurs- og konferanseovernattingar samt yrkesovernattingar gjekk opp høvesvis 1 og 6 prosent i same periode. Ferie- og fritidsovernattingar fall med 6 prosent.

Med unntak av Tyskland, som gjekk ned 6 prosent, auka fleire av dei utanlandske overnattingane. Størst auke hadde Sverige med 14 000 fleire overnattingar.

Færre campingovernattingar

Frå april 2011 til april 2012 gjekk talet på campingovernattingar ned med 7 prosent, frå 367 000 til 342 000 overnattingar. Norske og utanlandske campingovernattingar gjekk ned høvesvis 7 og 2 prosent.

Fleire hyttegrendovernattingar

Talet på overnattingar på hyttegrend gjekk opp frå 94 000 til 106 000. Det er ein oppgang på 12 prosent samanlikna med april 2011. Det var 8 900 fleire norske og 2 300 fleire utanlandske hyttegrendovernattingar i 2012 samanlikna med 2011.

Totalt sett færre overnattingar i april

Det var totalt sett 1,72 millionar overnattingar ved norske overnattingsstader i april 2012. Dette er ein nedgang på 1 prosent samanlikna med 2011. Talet på norske overnattingar gjekk ned med 2 prosent, frå 1,44 millionar til 1,40 millionar overnattingar. Utanlandske overnattingar auka i same periode med 5 prosent.

Auke i talet på overnattingar hittil i år

I perioden januar-april 2012 var det 7,1 millionar overnattingar ved alle norske overnattingsstader. Dette er ein auke på 4 prosent samanlikna med same periode i 2011. Hotell- og andre overnattingsbedrifter gjekk opp frå 5,4 millionar til 5,6 millionar overnattingar. Campingplassar og norske vandrarheimar steig høvesvis 6 og 3 prosent, medan hyttegrender fall i talet på overnattingar med 4 prosent.

Akkumulerte tal

Sjå Statistikkbanken for samanlikningar mellom månadane hittil i år og tidlegare periodar. Ettersom det finst fleire flyttbare heilagdagar i Noreg vil det vere naturleg å samanlikne fleire månader under eit, for å unngå denne feilkjelda.

Tal for hittil i år finn ein i tabell: 08401, 08402, 08403, 08404, 08405, 08406 og 08407.

Tabeller: