14362_not-searchable
/transport-og-reiseliv/statistikker/overnatting/arkiv
14362
Fleire hotellovernattingar i vintersesongen
statistikk
2010-05-28T10:00:00.000Z
Transport og reiseliv;Svalbard
no
overnatting, Overnattingar, hotell, hyttegrender, campingplassar, vandrarheimar, gjestene sin nasjonalitet, kapasitetsutnytting, sengeplassar, hotellrom, romprisar, omsetning, ferieovernattingar, kursovernattingar, yrkesovernattingar, SvalbardReiseliv, Transport og reiseliv, Transport og reiseliv, Svalbard
false

Overnattingarapril 2010

Innhald

Publisert:

Du er inne i ei arkivert publisering.

Gå til den nyaste publiseringa

Fleire hotellovernattingar i vintersesongen

I perioden januar-april i år var det 5,12 millionar overnattingar ved norske hotell, ein oppgang på 3 prosent samanlikna med same perioden i fjor. Talet på både norske og utanlandske overnattingar gjekk opp, med høvesvis 2 og 7 prosent.

Fleire av dei store utanlandske marknadene gjekk opp i talet på overnattingar i januar-april 2010, med unntak av Danmark som fall med 1 prosent samanlikna med tilsvarande periode i fjor. Størst oppgang hadde Sverige med ein auke på 8 prosent eller 15 000 fleire overnattingar.

I april 2010 gjekk talet på hotellovernattingar opp med 9 prosent. Både norske og utanlandske overnattingar auka, med høvesvis 7 og 18 prosent.

Kurs- og konferanseovernattingar samt ferieovernattingar gjekk opp med 14 og 2 prosent samanlikna med same månaden i fjor, medan yrkesovernattingar gjekk opp med heile 15 prosent frå 459 000 til 526 000 overnattingar.

Omsetningsauke og oppgang i prisen per rom

Samanlikna med april 2009 gjekk omsetninga for hotella opp med 13 prosent, frå 677 millionar til 764 millionar, medan prisen per rom auka med 0,6 prosent, frå 870 til 875 kroner.

Nedgang for camping

Frå april i fjor til april i år gjekk talet på campingovernattingar ned med 6 prosent, frå 373 000 til 350 000 overnattingar. Norske campingovernattingar gjekk ned med 8 prosent, medan utanlandske campingovernattingar gjekk opp med 16 prosent frå april 2009.

Færre hyttegrendovernattingar

Talet på hyttegrendovernattingar fall frå 129 000 til 124 000, ein nedgang på 4 prosent samanlikna med april 2009. Det var 9 500 færre norske og 4 500 fleire utanlandske hyttegrendovernattingar i april i år samanlikna med april i fjor.

Tabeller: