Overnattingar, mars 2010

Fleire av dei store utanlandske marknadene gjekk opp i talet på overnattingar i mars 2010. Unntaket er Nederland som fall med 5 prosent sett i høve til mars i fjor. Størst oppgang hadde Danmark med ein auke på 11 prosent eller 8 000 fleire overnattingar.

Kurs- og konferanseovernattingar samt yrkesovernattingar gjekk ned med høvesvis 10 og 7 prosent samanlikna med same månaden i fjor, medan talet på ferieovernattingar gjekk opp med heile 17 prosent frå 552 000 til 646 000 overnattingar.

Omsetningsnedgang og nedgang i prisen per rom

Sett i høve til mars 2009 gjekk omsetninga for hotella ned med 5 prosent, frå 920 millionar til 869 millionar, medan prisen per rom gjekk ned med 2 prosent frå 897 til 880 kroner.

Auke for camping

Frå mars i fjor til mars i år gjekk talet på campingovernattingar opp med 24 prosent, frå 228 000 til 283 000 overnattingar. Norske campingovernattingar gjekk opp med heile 30 prosent, medan utanlandske campingovernattingar gjekk ned med 14 prosent frå mars 2009.

46 000 fleire hyttegrendovernattingar

Talet på hyttegrendovernattingar gjekk opp frå 162 000 til 209 000 overnattingar, ein auke på 29 prosent samanlikna med mars 2009. Det var 32 000 fleire norske og 14 000 fleire utanlandske hyttegrendovernattingar i mars i år i høve til mars i fjor.

Tabeller:

• Tabell 1 Hotell og andre overnattingsbedrifter. Opne bedrifter, senger og rom, etter fylke. Mars. 2009 og 2010
• Tabell 2 Hotell og andre overnattingsbedrifter. Overnattingar, etter gjestene sin nasjonalitet. Januar-mars og mars. 2009 og 2010
• Tabell 3 Hotell og andre overnattingsbedrifter. Overnattingar og kapasitetsutnytting, etter fylke. Mars. 2009 og 2010
• Tabell 4 Hotell og andre overnattingsbedrifter. Overnattingar og kapasitetsutnytting, etter fylke. Januar-mars. 2009 og 2010
• Tabell 5 Hotell og andre overnattingsbedrifter. Omsetning og oppnådd pris per rom, etter fylke. Januar-mars og mars 2010
• Tabell 6 Hotell og andre overnattingsbedrifter. Overnattingar, etter fylke og formål. Mars. 2009 og 2010
• Tabell 7 Hotell og andre overnattingsbedrifter. Overnattingar, etter fylke og formål. Januar-mars. 2009 og 2010
• Tabell 8 Campingplassar. Talet på campingplassar, etter månad og fylke. 2010
• Tabell 9 Campingplassar. Overnattingar, etter gjestene sin nasjonalitet og fylke. Mars 2010
• Tabell 10 Campingplassar. Overnattingar, etter gjestene sin nasjonalitet og fylke. Januar-mars 2010
• Tabell 11 Campingplassar. Overnattingar, etter overnattingsmåte og fylke. Mars 2010
• Tabell 12 Campingplassar. Overnattingar, etter overnattingsmåte og fylke. Januar-mars 2010
• Tabell 13 Campingplassar. Overnattingar, etter overnattingsmåte og månad. 2010
• Tabell 14 Hyttegrender. Talet på bedrifter, etter månad og fylke. 2010
• Tabell 15 Hyttegrender. Overnattingar, etter gjestene sin nasjonalitet og fylke. Mars 2010
• Tabell 16 Hyttegrender. Overnattingar, etter gjestene sin nasjonalitet og fylke. Januar-mars 2010
• Tabell 17 Overnattingar, etter gjestene sin nasjonalitet og bedriftsgruppe. Mars 2010
• Tabell 18 Overnattingar, etter gjestene sin nasjonalitet og bedriftsgruppe. Januar-mars 2010