14370_not-searchable
/transport-og-reiseliv/statistikker/overnatting/arkiv
14370
Nedgang for hotella i 2009
statistikk
2010-01-29T10:00:00.000Z
Transport og reiseliv;Svalbard
no
overnatting, Overnattingar, hotell, hyttegrender, campingplassar, vandrarheimar, gjestene sin nasjonalitet, kapasitetsutnytting, sengeplassar, hotellrom, romprisar, omsetning, ferieovernattingar, kursovernattingar, yrkesovernattingar, SvalbardReiseliv, Transport og reiseliv, Transport og reiseliv, Svalbard
false

Overnattingar, desember 2009

Innhald

Publisert:

Du er inne i ei arkivert publisering.

Gå til den nyaste publiseringa

Nedgang for hotella i 2009

I 2009 var det 17,7 millionar overnattingar ved norske hotell, ein nedgang på 3 prosent frå 2008. Talet på norske og utanlandske overnattingar gjekk ned med høvesvis 1 og 10 prosent.

Av dei store utanlandske marknadene auka Italia og Frankrike talet på overnattingar med 13 og 4 prosent frå 2008 til 2009, medan den britiske marknaden gjekk ned med heile 21 prosent i same perioden. Også talet på tyske overnattingar gjekk ned frå 2008. Talet på kurs- og konferanseovernattingar og yrkesovernattingar gjekk i 2009 ned med høvesvis 7 og 5 prosent frå 2008. Det var om lag like mange ferieovernattingar i 2009 som i 2008.

Færre campingovernattingar

Frå 2008 til 2009 var det 1 prosent færre overnattingar på campingplassar, ein nedgang frå 8,6 millionar til 8,5 millionar overnattingar. Den norske marknaden hadde ein auke på 1 prosent, medan utanlandske overnattingar gjekk ned med 7 prosent frå 2008 til 2009.

Fleire hyttegrendovernattingar

Det var meir populært å overnatte i hyttegrender i 2009 enn året før, ein auke på 7,5 prosent. Talet på norske og utanlandske overnattingar auka med høvesvis 11 og 4 prosent.

Nedgang for Norske Vandrerhjem

For Norske Vandrerhjem gjekk talet på overnattingar ned frå 332 000 til 319 000, ein nedgang på 4 prosent samanlikna med 2008. Nedgangen var i dei utanlandske overnattingane.

Optimisme i desember

Samanlikna med desembertala for 2008 steig talet på hotellovernattingar for desember 2009. I desember 2008 hadde norske hotell 900 000 overnattingar, medan dei hadde 932 000 i desember 2009. Dette er ein auke på 4 prosent. Overnatting på campingplassar og i hyttegrender var enda meir populært i desember 2009 enn i tilsvarande månad 2008. Auken var på høvesvis 7 og 23 prosent.

For Norske Vandrerhjem steig talet på overnattingar frå 7 000 til 8 000, ein auke på 17 prosent samanlikna med desember i fjor.

Tabeller: