14386_not-searchable
/transport-og-reiseliv/statistikker/overnatting/arkiv
14386
Færre hotellovernattingar i vintersesongen
statistikk
2009-06-05T10:00:00.000Z
Transport og reiseliv;Svalbard
no
overnatting, Overnattingar, hotell, hyttegrender, campingplassar, vandrarheimar, gjestene sin nasjonalitet, kapasitetsutnytting, sengeplassar, hotellrom, romprisar, omsetning, ferieovernattingar, kursovernattingar, yrkesovernattingar, SvalbardReiseliv, Transport og reiseliv, Transport og reiseliv, Svalbard
false

Overnattingar, april 2009

Innhald

Publisert:

Du er inne i ei arkivert publisering.

Gå til den nyaste publiseringa

Færre hotellovernattingar i vintersesongen

I vintersesongen januar til og med april 2009 var det nær 5 millionar hotellovernattingar ved norske hotell. Dette er ein nedgang på 7 prosent samanlikna med januar-april i 2008. Talet på norske og utanlandske hotellovernattingar gjekk ned med høvesvis 6 og 12 prosent.

Alle dei store utanlandske marknadene hadde færre overnattingar dei første fire månadene i 2009 jamført med perioden januar-april 2008. Størst nedgang i talet på overnattingar hadde Storbritannia med 37 000 overnattingar, ein nedgang på 21 prosent.

Samanlikna med januar-april i fjor gjekk talet på kurs- og konferanseovernattingar ned med 9 prosent. Yrkes-, ferie- og fritidsovernattingar gjekk ned med høvesvis 8 og 5 prosent.

I april 2009 var det ein nedgang i talet på hotellovernattingar med 13 prosent samanlikna med fjoråret, noko som har samanheng med at påsken i 2008 var i mars, og i april i 2009.

Liten nedgang for camping

I vintersesongen 2009 var det 4 000 færre campingovernattingar jamført med den same perioden i 2008. Talet på norske overnattingar auka med 3 prosent, medan talet på utanlandske overnattingar gjekk ned med heile 22 prosent.

Auke for hyttegrender

I januar-april 2009 auka talet på hyttegrendovernattingar med 6 prosent jamført med den same perioden i 2008. Talet på dei norske og utanlandske overnattingane gjekk opp med høvesvis 11 og 3 prosent.

Tabeller: