14388_not-searchable
/transport-og-reiseliv/statistikker/overnatting/arkiv
14388
Fleire norske hotellovernattingar
statistikk
2009-05-07T10:00:00.000Z
Transport og reiseliv;Svalbard
no
overnatting, Overnattingar, hotell, hyttegrender, campingplassar, vandrarheimar, gjestene sin nasjonalitet, kapasitetsutnytting, sengeplassar, hotellrom, romprisar, omsetning, ferieovernattingar, kursovernattingar, yrkesovernattingar, SvalbardReiseliv, Transport og reiseliv, Transport og reiseliv, Svalbard
false

Overnattingar, mars 2009

Innhald

Publisert:

Du er inne i ei arkivert publisering.

Gå til den nyaste publiseringa

Fleire norske hotellovernattingar

I mars i år var det 1,43 millionar overnattingar ved norske hotell, ein auke på 2 prosent samanlikna med mars i fjor. Norske overnattingar auka med 8 prosent, medan utanlandske overnattingar gjekk ned med 15 prosent.

Alle dei store utanlandske marknadene hadde færre overnattingar i mars 2009 enn i mars i fjor. Størst nedgang hadde Sverige og Tyskland med 11 000 færre overnattingar.

Kurs- og konferanseovernattingar og dessutan yrkesovernattingar gjekk opp med høvesvis 33 og 20 prosent samanlikna med same månad i fjor, medan ferieovernattingar gjekk tilbake med 20 prosent frå 687 000 til 552 000 overnattingar.

Omsetningsauke

Samanlikna med mars 2008 gjekk omsetninga for hotella opp med 16 prosent, frå 790 millionar til 920 millionar, og gjennomsnittleg oppnådd pris per rom auka frå 886 til 897 kroner.

Nedgang for camping

Frå mars i fjor til mars i år gjekk talet på campingovernattingar ned med heile 32 prosent, frå 336 000 til 227 000 overnattingar. Norske campingovernattingar gjekk ned frå 296 000 overnattingar til 200 000, ein nedgang på 32 prosent. Utanlandske campingovernattingar viste ein tilbakegang på 29 prosent frå mars 2008.

Færre hyttegrendovernattingar

Talet på hyttegrendovernattingar gjekk tilbake frå 192 000 til 162 000 overnattingar, ein nedgang på 15 prosent samanlikna med mars 2008. Det var 19 000 færre norske og 10 000 færre utanlandske hyttegrendovernattingar i mars i år samanlikna med mars i fjor.

Påska i 2009 fall i april, medan den i 2008 i sin heilskap fall i mars. Det at tidspunktet for påska fell ulikt fra år til år, gjer det vanskeleg å samanlikne overnattingstal i mars og april med same månad året før. I påskemånaden er det som regel færre yrkes- og kursovernattingar og fleire ferieovernattingar på hotella. Påskemånaden er også ein viktig månad for mange campingplassar og hyttegrender.

Påska er viktig for overnattingsbedriftene på dei store vintersportsstadane, medan mange byhotell tvert imot vil oppleve påska som lågsesong. Det er difor vanskeleg å seie korleis påsketrafikken slår ut på overnattingstala på landsbasis.

Tabeller: