14466_not-searchable
/transport-og-reiseliv/statistikker/overnatting/arkiv
14466
Rekordmange overnattingar ved hotella
statistikk
2006-02-01T10:00:00.000Z
Transport og reiseliv;Svalbard
no
overnatting, Overnattingar, hotell, hyttegrender, campingplassar, vandrarheimar, gjestene sin nasjonalitet, kapasitetsutnytting, sengeplassar, hotellrom, romprisar, omsetning, ferieovernattingar, kursovernattingar, yrkesovernattingar, SvalbardReiseliv, Transport og reiseliv, Transport og reiseliv, Svalbard
false

Overnattingardesember 2005

Innhald

Publisert:

Du er inne i ei arkivert publisering.

Gå til den nyaste publiseringa

Rekordmange overnattingar ved hotella

I 2005 var det første gong det var meir enn 17 millionar overnattingar ved norske hotell. Det var òg første gong det var meir enn 12 millionar norske overnattingar.

Talet på hotellovernattingar i alt auka med 5 prosent samanlikna med 2004, og talet er nær 4 prosent over nivået i 1999, som var førre rekordåret. Talet på norske hotellovernattingar auka med 5 prosent, medan dei utanlandske auka med 4 prosent.

Hotell og andre overnattingstader. Overnattingar, etter gjestane sin nasjonalitet. Noreg og utlandet. 1989-2005

Hotell og andre overnattingstader. Overnattingar, etter gjestane sin nasjonalitet. 1989-2005

Auke for tyskarane, britane og svenskane

Tyskland var den største utanlandsmarknaden for hotella i 2005, med 810 000 overnattingar. Talet på tyske overnattingar auka med 10 prosent frå 2004 til 2005. Likevel er talet 30 prosent lågare enn toppåret 1994.

Det var 602 000 hotellovernattingar frå Storbritannia i 2005, ein auke på 4 prosent samanlikna med 2004. Det er det høgste talet nokosinne. Talet på britiske overnattingar ved hotella har til dømes auka med nesten 80 prosent sidan 1989.

Talet på svenske hotellovernattingar auka med 6 prosent, frå 503 000 overnattingar i 2004 til 531 000 overnattingar i 2005. Nivået i 2005 er 23 prosent lågare enn toppåret 1997.

Nedgang for danskane

Talet på danske hotellovernattingar gjekk ned med 3 prosent samanlikna med 2004, frå 640 000 til 619 000. Nivået i 2005 ligg 35 prosent lågare enn toppåret 1995.

Auke i totaltrafikken

I 2005 var det totalt 26,3 millionar overnattingar ved dei kommersielle overnattingsstadene. Dette er ein auke på 4 prosent i forhold til 2004. Forutan hotella, var det også auke for campingplassane og hyttegrendene.

Kommersielle overnattingsstader. Overnattingar, etter gjestane sin nasjonalitet. 1989-2005

Overnattingar totalt og norske overnattingar var rekordhøge i 2005. Talet på utanlandske overnattingar auka med 3 prosent samanlikna med 2004, og med 10 prosent samanlikna med 2003, men talet ligg likevel 3 prosent under 1998, som var første året med totaldekning av den kommersielle overnattingsmarknaden i Noreg.

Tabeller: