14490_not-searchable
/transport-og-reiseliv/statistikker/overnatting/arkiv
14490
Rekord for norske overnattingsstader
statistikk
2005-02-02T10:00:00.000Z
Transport og reiseliv;Svalbard
no
overnatting, Overnattingar, hotell, hyttegrender, campingplassar, vandrarheimar, gjestene sin nasjonalitet, kapasitetsutnytting, sengeplassar, hotellrom, romprisar, omsetning, ferieovernattingar, kursovernattingar, yrkesovernattingar, SvalbardReiseliv, Transport og reiseliv, Transport og reiseliv, Svalbard
false

Overnattingardesember 2004

Innhald

Publisert:

Du er inne i ei arkivert publisering.

Gå til den nyaste publiseringa

Rekord for norske overnattingsstader

Det var 25,3 millionar overnattingar ved norske overnattingsstader i 2004, som er ein auke på 6 prosent samanlikna med 2003. Dette er det høgaste overnattingstalet sidan 1998.

Kommersielle overnattingsstader. 1998-2004. Talet på overnattingar i millionar

Kommersielle overnattingsstader. 1998-2004. Talet på norske overnattingar i millionar

Dei norske overnattingane auka med 6 prosent frå 2003 til 2004, og overnattingsstadene har aldri hatt fleire norske overnattingar enn i 2004. Sjølv om dei utanlandske overnattingane auka med 7 prosent frå 2003 til 2004, var likevel talet 5 prosent lågare enn toppåret 1998.

Tyskarar og svenskar har svikta sidan 1998

Det var 1,65 millionar tyske og 827 000 svenske overnattingar ved dei kommersielle overnattingsstadene i 2004. Tyskarane og svenskane stod for nesten heile nedgangen frå toppåret 1998. Danske, finske og amerikanske overnattingar gjekk òg ned, medan nederlandske og britiske overnattingar tvert imot har auka sidan 1998.

Kommersielle overnattingsstader. 1998-2004. Talet på utanlandske overnattingar i millionar

Auke for hotella ...

Hotella hadde i alt 16,4 millionar overnattingar i 2004, ein auke på nesten 5 prosent frå 2003. Dette er det femte høgaste talet sidan 1989. Men nivået i 2004 ligg til dømes berre 1 prosent under nivået i toppåret 1999.

Medan dei norske overnattingane har vist rekord, har dei utanlandske overnattingane ikkje heilt nådd toppnivå. Til tross for ein auke på 5 prosent frå 2003, ligg 2004-talet framleis 12 prosent under toppnoteringa i 1999.

... og for campingplassane

Campingplassane hadde 7,6 millionar overnattingar i 2004, ein auke på 6 prosent samanlikna med 2003. Talet på norske overnattingar auka med 7 prosent, medan talet på utanlandske overnattingar auka med 2 prosent.

Tabeller: