Overnattingar, juni 2004

Auken frå juni i fjor, har brakt det totale talet på overnattingar opp på det nest høgaste nivået sidan 1989, medan talet på norske overnattingar er det høgaste. Talet på utanlandske overnattingar i juni i år ligg 16 prosent under nivået for juni 1994, som var toppåret for utanlandske overnattingar for juni månad. I juni 1994 var 48 prosent av hotellovernattingane utanlandske. I juni i år var tilsvarande del 39 prosent.

Færre tyske overnattingar

Den tyske marknaden var framleis største utanlandske i juni i år med 158 000 overnattingar. Talet på tyske overnattingar gjekk derimot ned med 4 prosent samanlikna med juni i fjor. Britane, som er den nest største utanlandske marknaden, auka med 12 prosent. Alle våre næraste naboar i Norden auka.

Lågare prisar og høgare losjiomsetning

Gjennomsnittleg pris per hotellrom var 697 kroner, mot 703 kroner i juni i fjor. Hotella sin losjiomsetning auka frå 756 millionar kroner i juni i fjor til 802 millionar i juni i år.

Høgare utnytting av kapasiteten

Utnyttinga av både rom- og sengekapasiteten auka samanlikna med juni i fjor. I juni i år var 46 prosent av sengekapasiteten og 61 prosent av romkapasiteten utnytta, om lag 3-4 prosentpoeng høgare enn i juni i fjor.

Hittil i år

Til og med juni i år har hotella hatt 7,6 millionar overnattingar. Dette er ein auke på 5 prosent samanlikna med same periode i fjor. Talet på norske overnattingar auka med 3 prosent, medan talet på utanlandske auka med 7 prosent. Det har vore størst auke frå Storbritannia.

3,2 millionar overnattingar

Det var 3,2 millionar overnattingar ved kommersielle norske overnattingsstader i juni i år, som er ein auke på litt over 7 prosent samanlikna med juni i fjor. Det var auke for alle overnattingsmåtane.

Tabeller:

• Tabell 1 Hoteller og andre overnattingsbedrifter. Talet på opne bedrifter, senger og rom, etter fylke. Juni. 2003 og 2004
• Tabell 2 Hoteller og andre overnattingsbedrifter. Overnattingar, etter gjestene sin nasjonalitet. Januar-juni og juni. 2003 og 2004
• Tabell 3 Hoteller og andre overnattingsbedrifter. Overnattingar og kapasitetsutnytting, etter fylke. Juni. 2003 og 2004
• Tabell 4 Hoteller og andre overnattingsbedrifter. Overnattingar og kapasitetsutnytting, etter fylke. Januar-juni. 2003 og 2004
• Tabell 5 Hoteller og andre overnattingsbedrifter. Omsetning og oppnådd pris per rom, etter fylke. Januar-juni og juni 2004
• Tabell 6 Hoteller og andre overnattingsbedrifter. Overnattingar, etter formål og fylke. Juni. 2003 og 2004
• Tabell 7 Hoteller og andre overnattingsbedrifter. Overnattingar, etter fylke og formål. Januar-juni. 2003 og 2004
• Tabell 8 Campingplassar. Talet på campingplassar, etter månad og fylke. 2004
• Tabell 9 Campingplassar. Overnattingar, etter gjestene sin nasjonalitet og fylke. Juni 2004
• Tabell 10 Campingplassar. Overnattingar, etter gjestene sin nasjonalitet og fylke. Januar-juni 2004
• Tabell 11 Campingplassar. Overnattingar, etter overnattingsmåte og fylke. Juni 2004
• Tabell 12 Campingplassar. Overnattingar, etter overnattingsmåte og fylke. Januar-juni 2004
• Tabell 13 Campingplassar. Overnattingar, etter overnattingsmåte og månad. 2004
• Tabell 14 Hyttegrender. Talet på bedrifter, etter månad og fylke. 2004
• Tabell 15 Hyttegrender. Overnattingar, etter gjestene sin nasjonalitet og fylke. Juni 2004
• Tabell 16 Hyttegrender. Overnattingar, etter gjestene sin nasjonalitet og fylke. Januar-juni 2004
• Tabell 17 Overnattingar, etter gjestene sin nasjonalitet og bedriftsgruppe. Juni 2004
• Tabell 18 Overnattingar, etter gjestene sin nasjonalitet og bedriftsgruppe. Januar-juni 2004