14508_not-searchable
/transport-og-reiseliv/statistikker/overnatting/arkiv
14508
Fleire overnattingar på campingplassane
statistikk
2004-05-07T10:00:00.000Z
Transport og reiseliv;Svalbard
no
overnatting, Overnattingar, hotell, hyttegrender, campingplassar, vandrarheimar, gjestene sin nasjonalitet, kapasitetsutnytting, sengeplassar, hotellrom, romprisar, omsetning, ferieovernattingar, kursovernattingar, yrkesovernattingar, SvalbardReiseliv, Transport og reiseliv, Transport og reiseliv, Svalbard
false

Overnattingar, mars 2004

Innhald

Publisert:

Du er inne i ei arkivert publisering.

Gå til den nyaste publiseringa

Fleire overnattingar på campingplassane

Det var ein auke på 3,5 prosent i talet på overnattingar ved norske campingplassar i mars 2004 samanlikna med mars i fjor. Talet på norske overnattingar auka med 1,3 prosent, medan talet på utanlandske overnattingar auka med 21 prosent.

I heile tal auka dei norske og utanlandske overnattingane ved campingplassane med høvesvis 1 726 og 3 542. Om lag 13 prosent av overnattingane her var utanlandske. Av den grunn blir ikkje den høge auken i prosent like markant i heile tal.

Tilsvarande del for utanlandske overnattingar for vandrarheimar og hyttegrender var høvesvis 43 og 63 prosent. Samla var litt i overkant av ein av fire overnattingar ved dei kommersielle overnattingsstadene utanlandske.

1,71 millionar overnattingar

Det var 1,71 millionar overnattingar ved kommersielle norske overnattingsstader i mars i år, som var ein auke på 9 prosent samanlikna med mars i fjor. Endra rapporteringsmåte for hyttegrendene har medført at dette talet ikkje er heilt samanliknbart med talet for mars i fjor. Om ein nyttar einingsdøgn blir auken på om lag 6,6 prosent.

Auke i Sverige

Førebelse tal frå Statistiska centralbyrån i Sverige viser at talet på overnattingar ved svenske overnattingsstader var 2,3 millionar i mars månad. Det var ein auke på litt i underkant av 1 prosent samanlikna med mars i fjor. Svenskane stod for 83 prosent av overnattingane.

Tabeller: