Kjøtproduksjon, 2. halvår 1999, førebelse tal

Førebels tal frå den offentlege kjøtkontrollen viser at det vart kontrollert 26 300 tonn fjørfeslakt dei tre første kvartala i 1999. Dette er 3 300 tonn meir enn i same periode året før, og svarar til ein auke på 15 prosent.

Slaktemengda for storfekjøt var dei tre første kvartala i 1999 på 72 500 tonn. Dette er ein auke på 8 prosent frå same periode i 1998. Mengda av svinekjøt har auka med 3 400 tonn, eller vel 4 prosent, til 80 400 tonn i same tidsrom.

Av det kontrollerte slaktet i 1. til 3. kvartal utgjorde svinekjøt 42 prosent og storfekjøt 38 prosent. Slakt av fjørfe utgjorde 14 prosent av den totale slaktemengda.

Minst auke i slakt av sau

Ser ein utviklinga frå 1995 til 1999, finn ein at det i 1. til 3. kvartal 1999 vart kontrollert 24 700 tonn meir kjøt enn i same periode i 1995. Dette er ein auke på knapt 15 prosent. I denne perioden har slakt av fjørfe auka med 24 prosent, mengda av kvige- og okseslakt har auka med 18 prosent, og slakt av svin med 17 prosent. Slakt av sau auka med 2 prosent i denne perioden.

Tabeller:

• Tabell 1 Offentleg kjøtkontroll. Slakt godkjende til folkemat. 1.-3. kvartal. Tal dyr
• Tabell 2 Offentleg kjøtkontroll. Slakt godkjende til folkemat. 1.-3. kvartal. Tonn