2060_not-searchable
/arbeid-og-lonn/statistikker/akumnd/arkiv
2060
Stabil arbeidsløyse
statistikk
2008-10-29T10:00:00.000Z
Arbeid og lønn;Arbeid og lønn
no
akumnd, Arbeidskraftundersøkinga, sesongjusterte tal, AKU, arbeidsmarknad, sysselsette, arbeidslause, yrkesaktive, utførde vekeverk, arbeidsstyrken, arbeidsledig, arbeidsledige, arbeidsmarkedSysselsetting, Arbeidsledighet, Arbeid og lønn
false

Arbeidskraftundersøkinga, sesongjusterte tal, august 2008

Innhald

Publisert:

Du er inne i ei arkivert publisering.

Gå til den nyaste publiseringa

Stabil arbeidsløyse

Arbeidsløysa har halde seg stabil sidan sommaren i fjor, og utgjorde 2,4 prosent av arbeidsstyrken i august 2008. Veksten i sysselsetjinga har vore minkande sidan hausten i fjor, og har no stoppa opp.

Arbeidsstyrken, sysselsette og utførte vekeverk. Sesongjusterte tal, tremånaders glidande gjennomsnitt. 1997-2008. 1 000

Arbeidslause (AKU), registrerte arbeidslause og registrerte arbeidslause pluss arbeidsmarknadstiltak. Sesongjusterte tal, tremånaders glidande gjennomsnitt. 1997-2008. 1 000

Det har vore vekst i sysselsetjinga sidan sommaren 2005. På hausten i fjor var veksten på topp, men har sidan minka, og har no stoppa opp. Frå mai (målt som gjennomsnitt for tremånadersperioden april-juni) til august (gjennomsnitt for tremånadersperioden juli-september) viser arbeidskraftundersøkinga (AKU) ein auke i sysselsetjinga på 6 000 personar, justert for sesongvariasjonar. Eit endringstal på 6 000 ligg innanfor feilmarginen i AKU. Tal for aldersgruppene 16-24 og 25-74 år viser at det er særleg blant dei unge at veksten i sysselsetjinga har stoppa opp. For tal etter alder sjå Statistikkbanken .

Sysselsette (AKU). Sesongjusterte tal og trend. Tremånaders glidande gjennomsnitt. 1999-2008. 1000

Arbeidslause (AKU). Sesongjusterte tal og trend. Tremånaders glidande gjennomsnitt. 1999-2008. 1000

Arbeidsløysa på same nivå

Arbeidsløysa, sesongjustert, utgjorde 2,4 prosent av arbeidsstyrken i august (gjennomsnitt for juli-september), mot 2,5 prosent i mai (gjennomsnitt for april-juni). Sidan sommaren 2007 har arbeidsløysa svinga mellom 2,4 og 2,6 prosent, og dette ligg innanfor feilmarginen i AKU. Talet på registrerte arbeidslause hos Arbeids- og velferdsforvaltninga (NAV) pluss personar på ordinære arbeidsmarknadstiltak var uendra frå mai til august, justert for sesongvariasjonar. Dei siste tala frå NAV viser ein auke på 3 000 registrerte arbeidslause pluss personar på ordinære arbeidsmarknadstiltak frå august til september.

Utførte vekeverk

Talet på utførte vekeverk à 37,5 timar minka med 21 000 frå mai (gjennomsnitt for april-juni) til august (gjennomsnitt for juli-september), justert for sesongvariasjonar.

Sesongjustert arbeidsløyse i utvalde land, 2003-2008. I prosent av arbeidsstyrken

Aukande arbeidsløyse i USA

I USA gjekk arbeidsløysa opp frå 5,5 til 6,1 prosent frå mai til august. I EU15-landa samla var det ein mindre auke i den same perioden. Til dømes hadde Frankrike ein auke i arbeidsløysa, medan ho gjekk ned i Tyskland. Blant dei skandinaviske landa gjekk arbeidsløysa i Sverige opp, medan det var ein nedgang i Danmark. Alle dei internasjonale tala er sesongjusterte, og henta frå Eurostat .

Sysselsetjing og arbeidsløyse berre blant busette

AKU dekkjer berre dei som er registrerte som busette i folkeregisteret. Personar som til dømes arbeider i Noreg utan å vera busette her, eller som reknar med å vera busette mindre enn seks månader, er difor ikkje med i talet på sysselsette i AKU. Nokre av desse vil seinare busette seg og kjem då med i AKU. SSB gjev ut ein eigen statistikk ein gong i året for dei som ikkje er registrerte som busette. Sjå Sysselsette og arbeidslause på korttidsopphald .

Statistisk usikkerheit og tolking av sesongjusterte tal

Føremålet med sesongjusteringa er å beskrive utviklinga gjennom året, reinsa for sesongsvingingar. For å redusere den statistiske usikkerheita er dei publiserte AKU-tala tremånaders glidande gjennomsnitt av dei sesongjusterte tala. Utvalsusikkerheit fører likevel til at ein må ta omsyn til feilmarginar når ein tolkar tala i AKU. Vanlegvis samanliknar vi dei siste ikkje-overlappande tremånadersperiodane. Ein oversikt over storleiken på feilmarginane i AKU finst i "Om statistikken", pkt. 5.3 .

Kvartalsvise AKU-tal utan sesongjustering blir omtala i ei eiga publisering .

Tabeller: