Arbeidsløysa på 3,9 prosent

Før årsskiftet vedtok EU-parlamentet ei ny forordning for integrert europeisk sosialstatistikk som også Noreg har slutta seg til. Den nye forordninga trer i kraft frå 2021. Forordninga har som formål å auke relevansen til sosialstatistikk gjennom ei betre samordning av variablar på tvers av eksisterande statistikkar og på tvers av land. I innleiinga til forordninga vert det framheva at betre og meir samordna statistikk på dette området er grunnlaget for berekraftig utvikling, jobbskaping, innsats mot fattigdom, og likebehandling.

Den nye rammeverksforordninga inneber nokre endringar i dei einskilde statistikkane. Dei viktigaste endringane i Arbeidskraftundersøkinga er at aldersgruppa blir utvida frå 15 – 74 år i dag til 15 – 89 år frå 2021. Vidare vil informasjon om lønn og om hushald kome til som ny informasjon. I den nye rammeverksforordninga ligg det òg nye krav til aktualitet. For Noreg betyr det spesielt endringar i dei månadsvise arbeidsløysetala. Utviklinga av ny månadsvis statistikk vil likevel ta ein del tid og vil ikkje kome samtidig med dei andre endringane i kvartalsvis AKU.