Skatterekneskap, september 2004

Tala omfattar ikkje oljeskattar som er innbetalt i september, men oljeskattane innbetalast hovudsakleg i april og oktober månad. I 2002 og 2003 vart det i september månad innbetalt høvesvis 0,3 og 0,2 milliardar i oljeskatt. Det manglande beløpet for september 2004 har difor truleg liten innverknad på fordelte skattar i alt. Oljeskattar betalt inn til og med august er med, til saman 50,0 milliardar kroner.

Arbeidsgjevaravgift og medlemspremie til Folketrygda utgjer til saman 118,0 milliardar kroner til og med september 2004. Dette er ein vekst på 4,8 milliardar kroner, eller 4,3 prosent, samanlikna med 2003. For kommuneforvaltninga samla er det hittil i år betalt inn 77,6 milliardar kroner. Dette er 3,6 prosent høgare enn same periode i fjor. Formue- og inntektsskatt til primærkommunane hadde ein auke på 3,4 milliardar eller 5,5 prosent frå 2003 til 2004.

Størst auke i Troms

Skatteinngangen fordelt på fylke syner at Troms har hatt den største auken hittil i år, med ein auke på 7,5 prosent. Hordaland har hatt ein reduksjon i samla skatteinngang på 0,9 prosent frå 2003 til 2004.

I samband med løpande inntektsutjamning som blei innført frå og med januar 2000, vil innbetalt og fordelt skatt kvar månad inngå i grunnlaget for utrekning av rammeoverføringane til kommunane. Informasjon om befolkningstala for dei ulike kommunane per 1. januar finst på lenka http://www.ssb.no/folkemengde/

Tabeller:

• Tabell 1 Skatterekneskapsstatistikk. Innbetalt og fordelt skatt, etter ordning og art. Januar-september. 2002, 2003 og 2004. Millionar kroner
• Tabell 2 Skatterekneskapsstatistikk. Innbetalt og fordelt skatt. Januar-september. 2003 og 2004. Millionar kroner
• Tabell 3 Skatterekneskapsstatistikk. Innbetalt og fordelt skatt. Januar-september 2004. Millionar kroner