Skatterekneskap, juni 2004

For kommuneforvaltninga samla er det i første halvår 2004 betalt inn 49 milliardar kroner. Dette er 4,2 prosent høgare enn for første halvår i fjor. Arbeidsgjevaravgift og medlemspremie til Folketrygda utgjer 72 milliardar kroner i første halvår 2004. Dette er ein vekst på 3 milliardar kroner, eller 3,8 prosent, samanlikna med 2003.

Oljeskattane utgjorde 50 milliardar kroner i første halvår 2004. Dette er 7,5 prosent meir enn i første halvår 2003. Dersom vi ser bort frå oljeskattane, har Fastlands-Noreg hatt ein total skatteinngang på 184 milliardar kroner hittil i år. Dette er ein auke på 2,9 prosent samanlikna med tilsvarande periode i fjor.

Skatteinngangen fordelt på fylke syner at Troms har hatt den største auken hittil i år med ein auke på 7,1 prosent. Hordaland og Møre og Romsdal var dei einaste fylka med reduksjon i samla skatteinngang, med nedgang på høvesvis 2,8 og 0,1 prosent.

I samband med løpande inntektsutjamning som blei innført frå og med januar 2000, vil innbetalt og fordelt skatt kvar månad inngå i grunnlaget for utrekning av rammeoverføringane til kommunane. Informasjon om befolkningstala for dei ulike kommunane per 1. januar finst på lenka http://www.ssb.no/folkemengde/

Tabeller:

• Tabell 1 Skatterekneskapsstatistikk. Innbetalt og fordelt skatt, etter ordning og art. Januar-juni. 2002, 2003 og 2004. Millionar kroner
• Tabell 2 Skatterekneskapsstatistikk. Innbetalt og fordelt skatt. Januar-juni 2003-2004. Millionar kroner
• Tabell 3 Skatterekneskapsstatistikk. Innbetalt og fordelt skatt. Januar-juni 2004. Millionar kroner