Skatterekneskap, mai 2004

For kommuneforvaltninga samla er det hittil i år betalt inn 48,8 milliardar kroner. Dette er 3,5 prosent høgare enn same periode i fjor. Det er betalt inn 40,7 milliardar kroner i inntekts- og formuesskatt til kommunane, som er ein auke på 4,3 prosent frå i fjor. Fylka hadde ein svak nedgang i skatteinngangen samanlikna med i fjor. Med ein reduksjon på 0,3 prosent, har dei hittil i år fått innbetalt 8,0 milliardar kroner.

Det er betalt inn 71,6 milliardar kroner i arbeidsgjevaravgift og medlemspremie til Folketrygda i perioden januar til og med mai 2004. Dette er 3,2 prosent meir enn i 2003.

Skatteinngangen fordelt på fylke syner at Troms har hatt den største auken hittil i år med ein auke på 6,2 prosent. Hordaland og Møre og Romsdal var dei einaste fylka med ein reduksjon i samla skatteinngang, med ein nedgang på høvesvis 3,7 og 0,9 prosent.

I samband med løpande inntektsutjamning som blei innført frå og med januar 2000, vil innbetalt og fordelt skatt kvar månad inngå i grunnlaget for utrekning av rammeoverføringane til kommunane. Informasjon om befolkningstala for dei ulike kommunane per 1. januar finst på lenka http://www.ssb.no/folkemengde/

Tabeller:

• Tabell 1 Skatterekneskapsstatistikk. Innbetalt og fordelt skatt, etter ordning og art. Januar-mai. 2002, 2003 og 2004. Millionar kroner
• Tabell 2 Skatterekneskapsstatistikk. Innbetalt og fordelt skatt. Januar-mai 2003-2004. Millionar kroner
• Tabell 3 Skatterekneskapsstatistikk. Innbetalt og fordelt skatt. Januar-mai 2004. Millionar kroner