Skatterekneskap, mai 2003

Det er betalt inn 69,4 milliardar kroner i arbeidsgjevaravgift og medlemspremie til Folketrygda i perioden januar til og med mai 2003. Dette er 6,5 prosent meir enn i 2002.

For kommuneforvaltninga samla er det hittil i år innbetalt 47,1 milliardar kroner. Dette er 2,7 prosent høgare enn same periode i fjor. Det er innbetalt 39,0 milliardar kroner i inntekts- og formuesskatt til kommunane, som er ein auke på 2,7 milliardar, eller 7,5 prosent, samanlikna med same periode i 2002.

Størst auke i Hordaland

Skatteinngangen fordelt på fylke syner at Hordaland har hatt den største auken hittil i år med ein auke på 13,1 prosent, medan Vest-Agder, Telemark og Akershus hadde ein auke på meir enn 7 prosent. Oslo var det einaste fylket med reduksjon i samla skatteinngang frå mai 2002 til mai 2003, med ein nedgang på 5,5 prosent.

I samband med løpande inntektsutjamning som blei innført frå og med januar 2000, vil innbetalt og fordelt skatt kvar månad inngå i grunnlaget for utrekning av rammeoverføringane til kommunane. Informasjon om befolkningstala for dei ulike kommunane per 1. januar finst på lenka http://www.ssb.no/folkemengde/ .

Tabeller:

• Tabell 1 Skatterekneskapsstatistikk. Innbetalt og fordelt skatt, etter ordning og art. Januar-mai. 2001, 2002 og 2003. Millionar kroner
• Tabell 2 Skatterekneskapsstatistikk. Innbetalt og fordelt skatt. Januar-mai. 2002-2003. Millionar kroner
• Tabell 3 Skatterekneskapsstatistikk. Innbetalt og fordelt skatt. Januar-mai 2003. Millionar kroner