Meir enn dobla medlemstal i den romersk-katolske kyrkja på ti år

Publisert:

8. desember 2020

Den romersk-katolske kyrkja har gått frå 67 000 til 165 000 medlemmer i Noreg sidan 2010. Dette gjer kyrkja til det største kristne samfunnet i Noreg utanfor Den norske kyrkja.

Forfatter: Carl F. Corneil

Tallene er hentet fra
Trus- og livssynssamfunn utanfor Den norske kyrkja

Artikkelen er en del av serien
Trus- og livssynssamfunn utanfor Den norske kyrkja (arkiv)

Statistikken over trussamfunn visar at, av dei som er medlemmer i ein kristen organisasjon utanfor Den norske kyrkja (Dnk), så utgjer dei romersk-katolske 44 prosent, med 165 000 av totalt 373 000 medlemmer.

Figur 1. Medlemmer i kristne trussamfunn som har motteke offentleg stønad og som er utanfor Den norske Kyrkja.

	2010	2011	2012	2013	2014	2015	2016	2017	2018	2019	2020
Den romersk-katolske kyrkja	66972	83018	102286	121130	140109	95655	144856	152022	157220	160884	165254
Pinsemenigheiter	39923	39599	39108	39412	39398	39149	39431	39263	40056	40632	40725
Den ortodokse kyrkja	8492	9894	11205	12959	14765	17476	20202	21993	25843	27034	28544
Den Evangelisk Lutherske frikyrkja i Noreg	19503	19614	19507	19552	19557	19499	18908	19469	19215	19500	19313
Andre kristne kyrkjesamfunn	110774	114709	116912	119872	123487	124742	125686	106745	112736	117801	118815

Auken i den romersk-katolske kyrkja har tidlegare blitt forklart av innvandring frå hovudsakleg Polen i artikkelen «Norge – et sekulært samfunn?» frå 2014. Etter 2014 ser vi framleis ein auke i medlemstalet til kyrkjesamfunnet, men med noko slakare stigning enn tidlegare. Den midlertidige nedgangen i 2015 skuldast hovudsakleg korrigeringar av medlemstal. Det er naturleg å anta at innvandring framleis er ein av hovudårsakene bak endringane i tala.

Einast den ortodokse kyrkja har opplevd større vekst med 235 prosent auke frå 8 500 medlemmer i 2010 til 28 500 i 2020.

Dnk mister medlemmer mens dei andre kyrkjesamfunna samla, aukar

Det totale talet av medlemmer i kristne organisasjonar utanfor Den norske kyrkje har auka med 52 prosent sidan 2010, frå 246 000 medlemmer til 373 000 i 2020. Auken er ei fortsetjing på ein langsiktig trend, men har avteke noko dei siste åra. Til skilnad frå tal på medlemmer i Den norske kyrkje som har vorte redusert med 4 prosent frå 2009 til 2019.

Fleire medlemmer i trus- og livssynssamfunn utanfor Dnk

Det totale talet medlemmer i trus- og livssynssamfunn som mottek offentleg stønad og er utanfor Den norske kyrkja, har auke frå 450 000 i 2010 til 697 000 i 2020, som tilsvara 55 prosent auke. I same periode auka befolkninga i Noreg med 10 prosent ifølge SSBs befolkningsstatistikk. Frå 2019 til 2020 er dei tilsvarande tala ein auke i registrerte medlemmer på 3 prosent (678 400 til 697 300), med ein auke av den generelle befolkninga på under 1 prosent.

¹ Annan religion omfattar bahài, hinduisme, jødedom, sikhisme og andre trusretningar.

Figur 2. Talet på medlemmer i trus- og livssynssamfunn som mottek offentleg stønad og er utanfor Den norske kyrkja, etter religion/livssyn

	2010	2011	2012	2013	2014	2015	2016	2017	2018	2019	2020
Kristendom	245664	266834	289018	312925	337316	296521	349083	339492	355070	365851	372651
Islam	98953	106735	112236	120882	132135	141027	148189	153067	166861	175507	182826
Livssyn	82890	84481	84722	86061	86444	88216	89758	92919	95030	96276	99468
Buddhisme	13376	14580	15426	16001	17087	17977	18817	17351	20077	21044	21555
Annan religion¹	8992	11904	9282	13531	14304	15236	16195	16393	18198	19755	20757

Dei største trus- og livssynssamfunna er kristendom (utanfor Den norske kyrkje), islam og livssyn, med høvesvis 373 000, 183 000 og 99 000 medlemmer. Frå 2010 har disse tre opplevd ein auke i medlemstal på 52, 85 og 20 prosent.

Tal frå 2020 visar at Human-Etisk forbund er det klart største livssynssamfunnet med 93 000 medlemmer, mens dei resterande livssynssamfunna har til saman 6 000 medlemmer.