Kommunehelsetenesta, 2002, førebelse tal

Tre av fire bebuarar på institusjon er 80 år eller eldre, medan nærmare halvparten av dei som tek imot heimetenester hører til desse eldste. Denne fordelinga har endra seg svært lite dei siste ti åra.

I tillegg til omfordelinga av innsatsen mellom institusjonar og heimetenester aukar kvaliteten på dei tilbodne tenestene. I institusjonane er nærmare 90 prosent av romma no einerom. Tosengsrom utgjer ein stadig mindre del av romma, og rom med meir enn to senger finst knapt lenger.

Medan talet på plassar i aldersheimar har gått kraftig ned, har det vore ein viss auke i talet på plassar i sjukeheimar. Totalt var det nærmare 38 000 slike plassar i 2002, ein auke på nær 2 prosent frå året før. Utviklinga er på denne måten i samsvar med Handlingsplan for eldreomsorgen som vart sett i verk for fem år sidan.

Stabile tal på legar og fysioterapeutar

Når det gjeld kommunehelsetenesta, stabiliserte talet på legar og fysioterapeutar seg i høve til året før, etter ein sterk auke tidlegare. I 2002 var det 8,6 legeårsverk per 10 000 innbyggjarar. Dette talet omfattar ikkje legar som arbeider i institusjon. Tilsvarande var det 8,3 fysioterapeutårsverk per 10 000 innbyggjarar. Framleis er det vekst i jordmor- og helsesysterdekninga per born i alderen frå 0 til 4 år. Auka kjem både av fleire årsverk på området, men også færre fødde dei siste åra.

Ein stadig sterkare tendens dei siste åra har vore ein nedgang i talet på legeårsverk innan miljøretta helsevern og talet på fysioterapeutårsverk innan anna førebyggjande arbeid.

Auka prioritering av pleie og omsorg

Netto driftsutgifter per innbyggjar i prosent av samla netto driftsutgifter viser korleis kommunane prioriterer dei frie inntektene sine. Netto driftsutgifter til pleie og omsorg per innbyggjar auka med 22 prosent frå 2001 til 2002, medan kommunehelsetenesta hadde ein auke på 10 prosent. Netto driftsutgifter til pleie og omsorg utgjer no 34 prosent av totale netto driftsutgifter, medan prosentdelen i 2001 var 30,5. Netto driftsutgifter til kommunehelsetenesta i høve til totalen er uendra, og utgjer 4.7 prosent.

KOSTRA har vorte innarbeidd

Dei aller fleste av landet sine 434 kommunar rapporterar no elektronisk gjennom KOSTRA (KOmmune-STat-RApportering). Dette har ført til ei vesentleg meir effektiv innsamling, samstundes som kvalitetskontrollen av informasjonen er forbetra. For dei få kommunane som ikkje har sendt inn alle oppgåver, er opplysningar frå 2001 brukte. Tal for desse kommunane er ikkje med i gjennomsnittstala som vert presenterte i KOSTRA. Meir informasjon om denne rapporteringa finn ein på http://www.ssb.no/kostra .

Tabeller:

• Tabell 1 Plassar i institusjonar for eldre og funksjonshemma. 1996-2002
• Tabell 2 Rom i institusjonar for eldre og funksjonshemma. 1991-2002. Prosent (N=talet på rom)
• Tabell 3 Bebuarar i institusjonar for eldre og funksjonshemma, etter alder. 1992-2002
• Tabell 4 Bebuarar i bustader til pleie- og omsorgsføremål, etter alder. 1994-2002
• Tabell 5 Mottakarar av heimetenester, etter alder. 1992-2002
• Tabell 6 årsverk innan pleie- og omsorgstenestene. 1992-2002
• Tabell 7 Mottakarar av heimetenester, etter type teneste. 1992-2002
• Tabell 8 Mottakarar av avlasting, etter alder. 1996-2002
• Tabell 9 Mottakarar av støttekontakt, etter alder. 1996-2002
• Tabell 10 Utførde årsverk av ulike yrkesgruppar i kommunehelsetenesta utanfor institusjonar for eldre og heimetenestene. årsverk per 10 000 innbyggjarar. Sentralitet. 1994-2002
• Tabell 11 Utførde årsverk av ulike yrkesgrupper i kommunehelsetenesta utanfor institusjonar for eldre og heimetenestene. Sentralitet. 1994-2002
• Tabell 12 Utførde årsverk av legar med ulike avtaleformer i kommunehelsetenesta utanfor institusjonar for eldre og heimetenestene. Sentralitet. 1994-2002
• Tabell 13 Utførde årsverk av fysioterapeutar med ulike avtaleformer i kommunehelsetenesta utanfor institusjonar for eldre og heimetenestene. Sentralitet. 1994-2002
• Tabell 14 Utførde årsverk i skolehelsetenesta og helsestasjonstenesta. 1994-2002
• Tabell 15 Legeårsverk, etter virkeområde. 1994-2002
• Tabell 16 Fysioterapeutårsverk, etter virkeområde.1994-2002