Produksjonsindeks for olje og gass, industri, bergverk og kraftforsyning, januar 2012

Trelast- og trevareindustrien hadde ein vekst på 5,2 prosent, medan produksjonen i metallvareindustrien auka med 1,7 prosent i perioden. I maskinindustri og bygging av skip og oljeplattformer var det ein auke med høvesvis 2,6 og 6,3 prosent.

Sesongjusterte tal viser elles at produksjonen i næringsmiddelindustrien gjekk ned med 0,5 prosent frå november 2011 til og med januar 2012 samanlikna med den førre tremånadersperioden. Produksjonen i kjemiske råvarer hadde ein nedgang på 6,1 prosent, medan data- og elektrisk utstyrsindustri gjekk ned med 1,6 prosent.

Auke i produksjonen frå januar 2011 til januar 2012

Produksjonen i norsk industri gjekk opp med 1,7 prosent frå januar 2011 til januar i 2012, viser virkedagskorrigerte tal. Trelast- og trevareindustrien hadde ein auke på 11,3 prosent. Maskinindustri og bygging av skip og oljeplattformer hadde ein auke på høvesvis 11,8 og 12,4 prosent. Papir og papirvareindustri gjekk ned med 24,5 prosent, medan produksjonen i kjemiske råvarer og metallindustrien gjekk ned med 11,4 og 12,3 prosent i den same perioden.

Også auke frå desember 2011 til januar 2012

Norsk industriproduksjon gjekk opp med 1,1 prosent frå desember 2011 til januar 2012, viser sesongjusterte tal. Næringsmiddelindustri, trelast- og trevareindustri, kjemiske råvarer og metallindustri hadde vekst i produksjonen. I papir og papirvareindustri, bygging av skip og oljeplattformer og maskinreparasjon og installasjon var det ein nedgang i produksjonen i den same perioden.

Norsk industri samanlikna med eurosona

Norsk industriproduksjon gjekk opp 0,7 prosent frå desember 2010 til desember 2011, viser virkeagskorrigerte tal. Statistikk frå Eurostat viser at industriproduksjonen i land i eurosona gjekk ned med 0,2 prosent i same tidsrom.