Produksjonsindeks for olje og gass, industri, bergverk og kraftforsyning, august 2001

Produksjonen innan industrien har vore om lag uendra frå juli til august i år, viser sesongjusterte tal. Nærings- og nytingsmiddelindustri og metallindustri har hatt ein auke, medan det har vore ein nedgang i plastindustrien og i produksjon av kjemiske råvarer.

Endringar i verkstadnæringane

Fleire av verkstadnæringane har hatt ein liten nedgang frå juli til august. Dette skjer etter ein auke i juli 2001. Endringane heng mellom anna saman med ferieavviklinga i industrien, og ein bør difor sjå på tala for juli og august under eitt. Sesongjusterte tal for dei tre siste månadene viser at det har vore ein liten auke i delar av næringane. Transportmiddel og elektroteknisk og optisk industri skil seg ut her med nedgang.

Auke i norsk olje- og gassutvinning

Norsk olje- og gassutvinning held fram med ein liten auke frå juli til august i år, viser sesongjusterte tal. Samla utvinning i august 2001 er om lag 3 prosent høgare enn i same periode i fjor, viser vekekorrigerte tal. Hittil i år har det vore ein auke på om lag 1 prosent samanlikna med same periode i fjor, og desse endringane har virka inn på samla produksjon.