Produksjonsindeks for olje og gass, industri, bergverk og kraftforsyning, juni 2000

Transportmiddel- og metallvareindustrien har hatt den svakaste utviklinga i verkstadnæringane knytt til ein svak etterspurnad frå den norske marknaden. I eksportindustrien har produksjonen av ikkje-jernhaldige metall hatt ei god utvikling. Her har det vore ein auke på om lag 4 prosent gjennom dei seks første månadene i år, samanlikna med tilsvarande periode i fjor. Samla produksjon av innsatsvarer var likevel om lag 2 prosent lågare i 1. halvår i år samanlikna med same periode i fjor, viser vekekorrigerte tal.

Olje- og gassutvinning

Samla olje- og gassutvinning, inkludert tenester til næringa, var om lag 7 prosent høgare i 1. halvår i år samanlikna med tilsvarande periode i fjor, viser vekekorrigerte tal. Sesongjusterte tal viser ein nedgang på om lag 5 prosent frå mai til juni i år. Dette er knytt til aktiviteten i leiteboringa etter olje og gass som var svært låg i juni samanlikna med mai, og ein noko lågare oljeproduksjon frå enkelte felt.

Endringstal

Det har vore ein sesongjustert nedgang i industriproduksjonen på om lag 2 prosent frå mai til juni i år. Sesongjusterte og vekekorrigerte endringstal har ikkje teke omsyn til driftsstans i samband med Kristi himmelfartsdag og i pinsa. Desse heilagdagane var i år i juni, medan dei var i mai i fjor. Vekekorrigerte endringstal viser at det vore ein nedgang på 6,6 prosent frå juni i fjor til juni i år.