Produksjonsindeks for olje og gass, industri, bergverk og kraftforsyning, mars 2000

I mars har det vore ein klår sesongjustert auke i kraftproduksjonen, og vekekorrigerte tal viser at produksjonen var om lag 27 prosent høgare enn i tilsvarande periode i fjor. Det har vore ein auke i eksporten av kraft i mars. Olje- og gassproduksjonen var om lag 12 prosent høgare enn i tilsvarande periode i fjor.

Svak utvikling i industrien

Industrien slit enno med ei svak utvikling i produksjon og etterspurnad. Sesongjusterte tal viser at produksjonen har vore om lag uendra gjennom dei siste ni månadene, og dersom vi samanliknar 1. kvartal i år med tilsvarande periode i fjor, har det vore ein liten nedgang. Situasjonen i verkstadindustrien pregar biletet, men det er store bransjevise forskjellar. Spesielt eksportretta industri er inne i ein god periode.