Sal av petroleumsprodukt og flytande biodrivstoff, februar 2009, førebelse tal

Det vart til saman selt 74 millionar liter fyringsprodukt i februar i år. I den same perioden sist år var det samla salet på 53 millionar liter. Salet av lette fyringsoljer enda på 65 millionar liter og salet av fyringsparafin enda på 9 millionar liter, ein auke på høvesvis 45,4 og 8,4 prosent.

Februar i år har vore kaldare enn normalen, noko som er med på å forklare veksten. Prisen på fyringsolje var òg låg i februar, med ein pris som låg 1,10 kroner lågare per liter i forhold til februar sist år. Auka straumprisar for den same perioden kan også ha påverka det auka salet av fyringsprodukt.

Redusert bensin- og dieselsal

Det vart selt 127 millionar liter bilbensin i februar. Dette er ein reduksjon på 7,1 prosent, eller nesten 10 millionar liter, samanlikna med den same månaden i 2009. For den same perioden var reduksjonen i salet av autodiesel på 3,2 prosent, eller nesten 8 millionar liter. Ser ein på salet av autodiesel og bilbensin samla, vart det selt 4,8 prosent eller 17 millionar liter mindre drivstoff i februar i år. Salet av dei to produkta stod til saman for 51,8 prosent av det totale salet av petroleumsprodukt i februar. Prisane på autodiesel og bensin var litt lågare i februar samanlikna med februar førre året.

Til saman vart det selt 138 millionar liter marine gassoljer i februar i år, dette er om lag det same som i februar sist år. Salet av marine gassoljer utgjer om lag 19,7 prosent av det totale salet av petroleumsprodukt.

Det var 20 utkøyringsdagar i februar i år, i februar 2008 var det 21.

Tabeller:

• Tabell 1 Sal av petroleumsprodukt, etter produkt. Millionar liter. Førebelse tal (Rettet 31.03.2009)
• Tabell 2 Sal av petroleumsprodukt, etter kjøpargruppe. Millionar liter. Førebelse tal (Rettet 31.03.2009)
• Tabell 3 Sal av petroleumsprodukt, etter fylke. Tolvmånadsperiodar. Millionar liter. Førebelse tal