Sal av petroleumsprodukt og flytande biodrivstoff, november 2008, førebelse tal

Salet av autodiesel auka med 6,2 prosent eller 15 millionar liter i november i år samanlikna med same månad i 2007. For same periode ble salet av bilbensin redusert med 7,7 eller 11 millionar liter. Samla sett vart det dermed selt fire millionar liter eller om lag 1 prosent meir drivstoff i november i år enn i same månad i fjor. Salet av drivstoff utgjer 53,1 prosent av det totale petroleumssalet.

Lågare sal av fyringsprodukt

Salet av lette fyringsoljer sank med 3,6 prosent eller 2 millionar liter. Salet av fyringsparafin sank med 25 prosent eller 3 millionar liter i november i år. Det var til saman selt 54 millionar liter fyringsprodukt i november i år, ein reduksjon på 7,4 prosent frå november i fjor.

Mindre jetdrivstoff

Det vart selt 48 millionar liter jetdrivstoff i november i år. Dette er ein reduksjon på heile 38,6 prosent eller 30 millionar liter frå november sist år. Tal frå Avinor syner ein reduksjon i flytrafikken for november på 5,4 prosent, noko som tyder på at nedgangen i salet har samanheng med leveranseforhold.

Marine gassoljer utgjer om lag 17,4 prosent av det totale salet av petroleumsprodukt. I november vart det selt 131 millionar liter marine gassoljer, ein reduksjon på 46 millionar liter.

Talet på utkøyringsdagar i oktober i år var 20, i november 2008 var det 22.

Tabeller:

• Tabell 1 Sal av petroleumsprodukt, etter produkt. Millionar liter. Førebels tal
• Tabell 2 Sal av petroleumsprodukt, etter kjøpargruppe. Millionar liter. Førebels tal
• Tabell 3 Sal av petroleumsprodukt, etter fylke. Tolvmånadersperiodar. Millionar liter. Førebels tal