Sal av petroleumsprodukt og flytande biodrivstoff, mai 2007, førebelse tal

I mai i år var salet av autodiesel på 247 millionar liter, dette er ein auke på 9,4 prosent samanlikna med same periode i 2006, då salet var på 226 millionar liter. Salet av bilbensin har i same periode blitt redusert, frå 182 millionar selde liter i mai 2006 til 175 millionar liter i år, ein reduksjon tilsvarande 4,2 prosent. Salet av bilbensin og autodiesel står for til saman 53 prosent av det totale salet av petroleumsprodukt.

Fyringsprodukt

Samla sal av fyringsprodukt vart redusert med 9 millionar liter samanlikna med mai i fjor. Det vart selt 7 millionar liter fyringsparafin i år, ein reduksjon på 29,1 prosent. Det vart selt 32 millionar liter lette fyringsoljer, ein reduksjon på 13,4 prosent.

Salet av jetdrivstoff hadde ein liten auke på 1,3 prosent frå mai i år samanlikna med mai i fjor, det samla salet enda på 73 millionar liter i år.

Det var 20 utkøyringsdagar i mai i år, det same som i mai 2006.

Tabeller:

• Tabell 1 Sal av petroleumsprodukt, etter produkt. Millionar liter. Førebels tal
• Tabell 2 Sal av petroleumsprodukt, etter kjøpargruppe. Millionar liter. Førebels tal
• Tabell 3 Sal av petroleumsprodukt, etter fylke. Tolvmånadersperiodar. Millionar liter. Førebels tal