Sal av petroleumsprodukt og flytande biodrivstoff, februar 2007, førebelse tal

Samanlikna med februar i fjor har salet av autodiesel auka med 10,9 prosent, og salet har nå nådd 223 millionar liter i månaden. Medan auken i salet av autodiesel held fram, vert salet av bilbensin framleis redusert. Salet av bensin gjekk ned med 5,5 prosent samanlikna med same månad i fjor. Salet av bilbensin og autodiesel utgjer om lag halvparten av det totale salet av petroleumsprodukt.

Andre produkt

Det var i februar ein auke i salet av både fyringsparafin og lett fyringsolje samanlikna med same månad i fjor. Lett fyringsolje auka mest, med 10,4 prosent, medan fyringsparafin auka med 4,3 prosent. Det totale salet av desse to produkta utgjorde 81 millionar liter.

Til saman 129 millionar liter marine gassoljer vart selde i februar i år, dette utgjer 17 prosent av det totale salet av petroleumsprodukt. Jamført med februar i fjor, gjekk salet ned med 7,2 prosent.

Produktet med minst endring frå i fjor til i år er salet av jetdrivstoff. Det var ein liten nedgang med 2,2 prosent samanlikna med i fjor, og det totale salet var på 63 millionar liter.

Det var 20 utkøyringsdagar i februar i år, det same som i 2006.

Tabeller:

• Tabell 1 Sal av petroleumsprodukt, etter produkt. Millionar liter. Førebels tal
• Tabell 2 Sal av petroleumsprodukt, etter kjøpargruppe. Millionar liter. Førebels tal
• Tabell 3 Sal av petroleumsprodukt, etter fylke. Tolvmånadersperiodar. Millionar liter. Førebels tal