Sal av petroleumsprodukt og flytande biodrivstoff, juli 2006, førebelse tal

I juli i år vart det selt 88 millionar liter jetdrivstoff, dette er ein auke på heile 31,6 prosent eller 21 millionar liter samanlikna med same periode i 2005. Tal frå Avinor viser ein auke i den samla flytrafikken på 16,1 prosent for same periode.

Autodiesel og bilbensin

Gjennom heile 2006 har salet av bilbensin vorte redusert, medan salet av autodiesel har auka. I juli heldt reduksjonen i salet av bilbensin fram, da det vart selt 197 millionar liter, ein reduksjon på 3,2 prosent samanlikna med juli i fjor. Salet av autodiesel auka i same periode med 8,1 prosent, frå 191 millionar liter til 206 millionar liter. Salet av bilbensin og autodiesel står for til saman 50,2 prosent av det totale salet av petroleumsprodukt i juli 2006.

Andre produkt

Salet av lette fyringsoljer hadde ein auke på 2,9 prosent i juli 2006 samanlikna med juli i 2005. Salet av fyringsparafin gjekk ned med 10,2 prosent i same periode. Samla var det selt 25 millionar liter fyringsolje i juli 2006.

Marine gassoljer utgjer om lag 18 prosent av det totale salet av petroleumsprodukt med 145 millionar selde liter i juli 2006. Salet vart redusert med 6,5 prosent samanlikna med same periode i 2005.

Det var 21 utkøyringsdagar i juli i år, det same som i 2005.

Tabeller:

• Tabell 1 Sal av petroleumsprodukt, etter produkt. Millionar liter. Førebels tal
• Tabell 2 Sal av petroleumsprodukt, etter kjøpargruppe. Millionar liter. Førebels tal
• Tabell 3 Sal av petroleumsprodukt, etter fylke. Tolvmånadsperiodar. Millionar liter. Førebels tal