Sal av petroleumsprodukt og flytande biodrivstoff, januar 2005, førebelse tal

Salet av jetdrivstoff og marine gassoljer synte ein auke på 6 millionar liter kvar. Dette medverka til at samla sal av petroleumsprodukt ikkje vart redusert med meir enn 6,9 prosent samanlikna med januar i fjor. Total omsett mengd petroleumsprodukt var i januar på 705 millionar liter.

Fyringsprodukt

Salet av fyringsparafin og lett fyringsolje vart redusert med høvesvis 37,2 og 37,1 prosent. Nedgangen i salet kjem i hovudsak av redusert sal til oppvarmingsformål, noko som kan ha ein samanheng med at vi har hatt ein varm vinter med tilnærma normal fyllingsgrad i vassmagasina og lågare straumprisar.

Drivstoff

Samla sal av bilbensin var i januar på 152 millionar liter, ein nedgang på 14 millionar liter frå i fjor. Reduksjonen gjeld både for bensin med blyerstatning og for blyfri bensin. Salet av avgiftspliktig diesel synte ein auke på 4 millionar liter, til 127 millionar liter.

Det var 21 utkøyringsdagar i januar i år, like mange som i januar i fjor.

Tabeller:

• Tabell 1 Sal av petroleumsprodukt, etter produkt. Millionar liter. Førebels tal
• Tabell 2 Sal av petroleumsprodukt, etter kjøpargruppe. Millionar liter. Førebels tal
• Tabell 3 Sal av petroleumsprodukt, etter fylke. Tolvmånadersperiodar. Millionar liter. Førebels tal