Sal av petroleumsprodukt og flytande biodrivstoff, januar 2004, førebelse tal

Totalt sal av petroleumsprodukt for siste 12 månader var 9 331 millionar liter. Det var 1,1 prosent høgare enn i førre 12-månadersperiode.

Sal av fyringsprodukt

Sal av lette fyringsoljer gjekk ned med 22,5 prosent i januar, medan salet auka med 23,5 prosent dei siste 12 månadene. For fyringsparafin vart nedgangen i januar på heile 27,2 prosent. For dei siste 12 månadene var det ein auke på 3,8 prosent i salet av fyringsparafin. Nedgangen i januar for desse produkta må sjåast i samanheng med det rekordhøge salet i fjor vinter.

Autodiesel og bilbensin

Det vart selt 172 millionar liter autodiesel i januar, det var 3,7 prosent mindre enn i januar i fjor. For dei siste 12 månadene var det auke på 2,7 prosent i samla sal av autodiesel. Sal av bilbensin gjekk ned med 3,5 prosent til 166 millionar liter i januar, medan salet dei siste 12 månadene vart redusert med 1,2 prosent.

Oppgang i sal av marine gassoljer og jetdrivstoff

Marine gassoljer, som er eit mellomdestillat til marint bruk, viste oppgang i salet i januar. Salet auka med 5,2 prosent, medan den delen av salet som gjekk til utanriks sjøfart vart redusert med heile 19,6 prosent. Sal av jetdrivstoff utgjorde 58 millionar liter i januar, det var 10,6 prosent høgare enn i same månad i fjor.

Det var 21 utkøyringsdagar i januar i år mot 22 i januar i fjor.

Tabeller:

• Tabell 1 Sal av petroleumsprodukt, etter produkt. Millionar liter. Førebelse tal
• Tabell 2 Sal av petroleumsprodukt, etter kjøpargruppe. Millionar liter. Førebelse tal
• Tabell 3 Sal av petroleumsprodukt, etter fylke. Tolvmånadersperiodar. Millionar liter. Førebelse tal