Elektrisitet, juni 2003

Medverkande årsaker til den låge produksjonen er lite vatn i magasina, liten fare for tap grunna overfylte magasin og forventning om høgare prisar utover mot vinteren. Fyllingsgraden i magasina var på landsbasis 47,9 prosent av total kapasitet i midten av juni (veke 25). Medianen, basert på perioden 1990-2000, var 63,7 prosent. Tal frå Meteorologisk institutt viser at Noreg fekk 90 prosent av normalen med nedbør i juni. Til tross for mindre nedbør enn normalt medverka den låge produksjonen til at fyllingsgraden forbetra seg i forhold til medianen i juni. Medianen synte ein auke i fyllingsgraden på 12,8 prosentpoeng i juni, mens auken nå i juni var 17,2 prosentpoeng. Produksjonen hittil i år har vore 52 343 GWh, som er 20,7 prosent mindre enn i tilsvarande periode førre året. Nettoimport har hittil i år vore 6 457 GWh, medan i fjor var det ein nettoeksport på 3 410 GWh.

Lågt forbruk

Totalt forbruk var 7 759 GWh i juni 2003. Det er 2,8 prosent mindre enn gjennomsnittleg forbruk dei siste fem åra. Behovet for oppvarming forklarar ein stor del av variasjonen i forbruket. Temperaturen var i juni over normalen, men gjev større utslag i vintermånadene enn i sommarmånadene.

Forbruket i kraftintensiv industri var 2 486 GWh som er 0,7 prosent mindre enn juni fjor. Forbruket i kraftintensiv industri er relativt konstant gjennom året, slik at det utgjer ein større del av det totale forbruket på sommaren. Forbruket i kraftintensiv industri utgjorde i juni 32 prosent av det totale forbruket, medan det i januar utgjorde 21 prosent. Hittil i år har det totale forbruket vore 6,1 prosent mindre enn for same periode i 2002.

Høge prisar

Den gjennomsnittlege prisen i spotmarknaden i juni var 20,2 øre/kWh, medan den i juni 2002 var 12,1 øre/kWh. Førre veke(veke 32) var spotprisen 29,6 øre/kWh, medan straumen til vinteren vert handla for 32 øre/kWh (13. august) på den nordiske elektrisitetsbørsen Nordpool.

Sjå også Vannmagasinenes fyllingsgrad og Priser på elektrisk kraft

Tabeller:

• Tabell 1 Produksjon, import, eksport og forbruk av elektrisk kraft. GWh. Førebelse tal