Elektrisitet, juni 2002

Produksjonen av elkraft var 9 825 GWh i juni. Det er 28,9 prosent meir enn tilsvarande månad i fjor. Det har vore meir vatn i magasina enn normalt, og fyllingsgraden i prosent var i gjennomsnitt 70,8 av total magasinkapasitet for juni i år, medan den var 52,2 for same periode i fjor. Til no i år er det blitt produsert 65 896 GWh, og det er 4 prosent meir enn for tilsvarande periode i fjor. Sogn og Fjordane produserte mest kraft i juni med 1 302 GWh.

Lågare forbruk

Brutto innanlands forbruk var 7 903 GWh i juni. Det er ein nedgang på 2,5 prosent samanlikna med same månad i fjor. Det er sjette månaden på rad at forbruket har gått ned, og for heile denne perioden har forbruket falt med 7,2 prosent samanlikna med same periode i fjor. I heile denne perioden har temperaturen vert over normalen, og det gjaldt også for juni. Temperauren gjev større utslag på straumforbruket i vintermånadane enn i sommarmånadane i vårt nordlege klima. Prisane på kraft er noko lågare i juni i år enn i fjor. Nedgangen i forbruket kan skuldast noko lågare aktivitet i industrien.

Eksportoverskot

Det vart eksportert 1 954 GWh i juni. Det er 1 569 GWh meir enn juni i fjor. Importen var 31 GWh mot 871 GWh i fjor. For dei første seks månadane i år har importen gått ned med 51,8 prosent til 3 107 GWh, medan eksporten har auka med 160,4 prosent til 6 539 GWh. Det gjev eit eksportoverskot på 3 432 GWh så langt i år.

Sjå også

Vannmagasinenes fyllingsgrad

Priser på elektrisk kraft

Tabeller:

• Tabell 1 Produksjon, import, eksport og forbruk av elektrisk kraft. GWh. Førebelse tal