Folketalet veks med 36 000 i år

Dersom vi samanlikner over fleire år vil dette bli den lågaste folkeveksten sidan 2005, viser statistikken Befolkning. Både færre innvandringar og gradvis lågare fødselstal dreg ned veksten i folketalet. Fødselsoverskotet utgjer 42 prosent av folkeveksten, mens 58 prosent er nettoinnvandring.

Blant fylka er det framleis Akershus og Oslo som har den høgaste veksten i folketalet med høvesvis 1,7 og 1,2 prosent. I Akershus finn vi dei kommunane som vil få den største folkeveksten. Flyplasskommunen Ullensaker ligg øvst på lista med ein vekst på 4,4 prosent, og Nannestad og Lørenskog fylgjer tett etter.

Lågast «vekst» finn vi i Finnmark og Sogn og Fjordane kor begge fylka har ein nedgang i folkemengda på 0,3 prosent. Oppland har og ein liten nedgang i folkemengda, og Telemark har nullvekst.