161652_not-searchable
/virksomheter-foretak-og-regnskap/statistikker/foretak/aarleg-foretaksdemografi
161652
Svak auke i nyetableringar
statistikk
2014-05-06T10:00:00.000Z
Virksomheter, foretak og regnskap
no
foretak, Føretak, ansatte, sysselsatte, omsetning, foretaksstørrelse, foretak etter næring, organisasjonsformer (for eksempel aksjeselskap, enkeltpersonforetak, norskregistrerte utenlandske foretak (NUF)), nyetableringer, eierskifte, nyregistreringer, høyvekstforetak, opphørte foretak, avganger, nedleggelser, nye foretakVirksomheter og foretak, Virksomheter, foretak og regnskap
false
Foretak 2001-2014 viser utviklingen i antall foretak, nyetableringer og nedleggelser. I 2013 økte antall nyetableringer med 1 prosent sammenlignet med 2012.

Føretak, 1. januar 2013

Variantar av denne statistikken:

Innhald

Publisert:

Du er inne i ei arkivert publisering.

Gå til den nyaste publiseringa

Svak auke i nyetableringar

I 2013 vart det etablert 474 fleire føretak enn i 2012, ein auke på 1 prosent. Talet på nye enkeltpersonføretak auka mest, med 5,2 prosent, medan det vart etablert 3,4 prosent færre aksjeselskap. Totalt vart det etablert 51 622 nye føretak i 2013.

Foretak 1. januar, nyetablerte og nedlagte foretakPublisert 6. mai 2014
2013Forandring fra forrige år
Antall foretakProsent
Foretak per 1. januar390 0764,3
Nyetablerte foretak51 6220,9
 2012
Antall foretakProsent
Nedlagte foretak49 624-4,8

Kilde: Statistisk sentralbyrå

Figur 1. Nyetablerte føretak, etter organisasjonsform og år

19 467 aksjeselskap (AS) vart etablert i 2013, medan det vart etablert 30 040 enkeltpersonføretak (ENK). Nedgangen i talet på nyetablerte norskregistrerte utanlandske føretak (NUF) heldt fram. I 2013 vart det etablert 296 færre NUF enn året før, ein nedgang på 21,4 prosent. Nær 96 prosent av dei nyetablerte føretaka i 2012 var anten AS eller ENK.

Størst auke innanfor undervisning

Etter næring var den største auken i nyetableringar frå 2012 til 2013 innanfor undervisning, der det vart etablert 9,1 prosent fleire føretak. Det var og ein stor auke innanfor anna tenesteyting, med 7,1 prosent, og innanfor helse- og sosialtenester, med 6,2 prosent. I same perioden gjekk talet på nyetableringar innanfor byggje- og anleggsverksemd ned med 4,2 prosent.

I 2013 vart det etablert flest føretak innanfor fagleg, vitskapleg og teknisk tenesteyting, med 7 780 føretak, byggje- og anleggsverksemd med 7 507 føretak, og varehandel med 5 883 føretak. Om lag fire av ti nyetablerte føretak vart etablert innanfor desse næringane i 2013.

45,3 prosent fleire nyetablerte føretak i 2013 enn i 2001

I 2013 var talet på nyetableringar 45,3 prosent høgare enn i 2001. Frå 2001 til 2012 fylgjer utviklinga av nyetablerte føretak i hovudsak talet på nyetablerte AS. Auken frå 2012 til 2013 kjem i stor grad av fleire nyetablerte ENK. Medan 91,1 prosent av nyetableringane i 2001 var organiserte som AS eller ENK, hadde denne delen auka til 95,9 prosent i 2013. Etter å ha auka omtrent kvart år frå 2001 til 2010, har talet på nyetablerte NUF gått ned dei tre siste åra. I 2013 var 2,1 prosent av alle nytablerte føretak eit NUF, mot 9,5 prosent i 2010.

Flest føretak innanfor byggje- og anleggsverksemd

Frå 1. januar 2012 til 1. januar 2013 auka talet på føretak med 4,3 prosent. Per 1. januar 2013 var det flest føretak innanfor byggje- og anleggsverksemd, med 14,1 prosent av føretaka. Varehandel, hadde 13,6 prosent. Dei førebelse tala for 2014 er om lag uendra samanlikna med 1. januar 2013.

I 2012 vart det lagt ned 49 624 føretak. Flest føretak vart lagde ned innanfor fagleg, vitskapleg og teknisk tenesteyting med 7 368. Innanfor byggje- og anleggsverksemd vart 6 347 lagde ned, medan varehandel hadde 6 331 nedleggingar.

Nedgang i informasjonssektoren

Samanlikna med 2012 gjekk talet på nyetableringar i informasjonssektoren ned med 2,9 prosent i 2013. Totalt vart det etablert 3 478 føretak i informasjonssektoren i 2013. Av desse var 2 630 innanfor IKT-sektoren og 848 innanfor innhaldssektoren og mediesektoren. I IKT-sektoren gjekk talet på nyetablerte føretak ned med 1,9 prosent frå 2012 til 2013, medan innhalds- og mediesektoren hadde ein nedgang på 6 prosent. Sju av ti nyetableringar var innanfor IKT-tenester.