Varehandel, strukturstatistikk, 2005, foreløpige tall

Totalt var det 352 881 sysselsette innanfor næringa i 2005. Dette svarar til ein auke på 1,2 prosent frå året før. Det var 57 031 føretak i næringa i 2005.

Auke innanfor motorvogner, bensin og detaljhandel

Føretaka innanfor vedlikehald, reparasjon av og handel med motorvogner, samt detaljhandel med drivstoff til motorvogner, hadde ein auke i omsetninga på 4,4 prosent frå 2004 til 2005. Totalt omsette føretaka for 171,4 milliardar kroner i 2005. Det var i 2005 9 012 føretak innanfor denne næringa, og talet på sysselsette utgjorde 57 251 personar. Dette svarar til ein auke på høvesvise 0,8 og 3,0 prosent frå året før.

Føretaka innanfor detaljhandel, reparasjon av hushaldsvarer og varer til personleg bruk omsette for 286,4 milliardar kroner i 2005, ein auke på 5,1 prosent eller 13,8 milliardar kroner frå 2004. Talet på sysselsette auka med 1,7 prosent til 191 688 personar, medan talet på føretak blei redusert med 0,6 prosent til 29 575.

594 milliardar i agentur- og engroshandelen

Føretaka med næringa agentur- og engroshandel, med unntak av motorvogner, omsette for 594,2 milliardar kroner i 2005. Dette er ein auke på 9,0 prosent frå 2004. Talet på sysselsette og føretak i 2005 var høvesvise 103 942 personar og 18 444 føretak.

Førebelse tal

Strukturstatistikken for førebelse tal vert berre publisert på føretaksnivå. Tala for føretaka vil som regel vise andre verdiar enn tala for bedriftene. Årsaka er at føretaka som er registrert med hovudaktivitet i ei næring kan ha bedrifter med verksemd i andre næringar. Det vert berre publisert tal på føretak, sysselsette og omsetning på tresiffer næringsnivå. Datagrunnlaget er ikkje like grundig revidert som det vil vera ved publiseringa av endelege tal i juni 2007.

Tabeller:

• Tabell 1 Hovudtal for føretak, etter næringshovudgruppe. Endelege tal 2004 og førebelse tal 2005