Skatterekneskap, juni 2012

Av dei samla skattane var 109,4 milliarder kroner skatt frå oljeutvinning. I det fyrste halvåret har dei samla skatteinnbetalingane frå oljeutvinning auka med 25,1 prosent frå den tilsvarande perioden i fjor. Av desse innbetalingane kjem 67,9 milliardar kroner frå særskatt på oljeutvinning, medan 41,5 milliardar kroner kjem frå ordinær oljeskatt.

Den største kjelda av innbetalte skattar var fellesskatt til staten, som låg på 126,1 milliardar kroner. Fellesskatten er delt mellom personlege skatteytarar og upersonlege skatteytarar, utanom oljeskattane, på høvesvis 66,1 og 60 milliardar kroner. Fellesskatt til staten hadde ein svak vekst på berre 1,6 prosent frå og med januar til juni 2012, samanlikna med den same perioden i fjor. Dette kan forklarast med at innbetalingane frå personlege skatteytarar har vakse med 8 prosent, samstundes så er det ein nedgang i innbetalingane frå upersonlege skatteytarar, utanom oljeskatt, på 4,6 prosent. Denne negative trenden har heldt fram sidan starten av 2012. Årsaka er ei regelendring som gjeld frå inntektsåret 2011. Endringa inneber at skattøyra til kommunane er senka og at satsen for fellesskatt til staten er auka. Kommunane får no inn mindre i skatt og meir i rammetilskot frå staten.

Andre viktige kjelder til skatteinnbetalingar er arbeidsgjevaravgifta, skatt på formue og inntekt til kommunane samt innbetalingar til folketrygda. Frå og med januar til utgangen av juni var desse innbetalingane på høvesvis 69,1 milliarder, 60,1 milliarder og 52,6 milliardar kroner. Dette er ein auke på høvesvis 6,5 prosent, 3,4 prosent og 6,2 prosent frå den tilsvarande perioden i fjor.

Tabeller:

• Tabell 1 Skatterekneskapsstatistikk. Innbetalt og fordelt skatt, etter ordning og art. Januar-juni. 2010, 2011 og 2012. Millionar kroner
• Tabell 2 Skatterekneskapsstatistikk. Fordelt skatt, etter fylke. Januar-juni. 2011 og 2012. Millionar kroner
• Tabell 3 Skatterekneskapsstatistkk. Fordelt skatt, etter kommune. Januar-juni 2012. Millionar kroner