Skatterekneskap, april 2012

Av dei samla oljeskattane som er betalt hittil i år, er 27,7 milliardar kroner betalt som ordinær oljeskatt og 45,4 milliardar kroner betalt som særskatt på oljeutvinning. Desse summane har auka med høvesvis 5,4 milliardar kroner og 9 milliardar kroner frå den tilsvarande perioden i fjor. Samla sett har den innbetalte oljeskatten auka med 24,5 prosent i denne perioden.

Dersom ein ser bort frå oljeskattane, er det fellesskatt til staten frå upersonlege skattytarar som er den største inntektskjelda i april 2012. I denne månaden vart det betalt 24,5 milliardar kroner i fellesskatt, og hittil i år er det samla betalt 50,9 milliardar kroner. Med oljeskatt og ordinære skattar til stat, kommune og fylkeskommune har upersonlege skattytarar betalt inn 129,9 milliardar kroner hittil i år. Dette er 14,5 prosent meir enn i den same perioden i fjor.

Det blei betalt inn små summar frå personlege skattytarar, medrekna arbeidsgjevaravgifta, i april. Til no i år er det betalt inn 167,3 milliardar kroner frå personlege skattytarar. Av dei er 31,5 milliardar betalt som medlemsavgift til folketrygda og 46,3 milliardar betalt som arbeidsgjevaravgift. Samla inntekter til folketrygda har dermed auka med 7,3 prosent hittil i år.

Tabeller:

• Tabell 1 Skatterekneskapsstatistikk. Innbetalt og fordelt skatt, etter ordning og art. Januar-april. 2010, 2011 og 2012. Millionar kroner
• Tabell 2 Skatterekneskapsstatistikk. Fordelt skatt, etter fylke. Januar-april. 2011 og 2012. Millionar kroner
• Tabell 3 Skatterekneskapsstatistikk. Fordelt skatt, etter kommune. Januar-april 2012. Millionar kroner