Skatterekneskap, mai 2000

Kommuneforvaltninga

Frå og med april 1999 har Skattedirektoratet fordelt skattane for Oslo på kommune og fylkeskommune. På grunn av akkumulering av tala vil det heilt fram til og med desember månad vere brot i tidsserien når det gjeld Oslo kommune. Samla har kommuneforvaltninga ein auke i skatteinntektene på 4,2 prosent eller 1,8 milliardar kroner.

Fylkesvise skattetal

Dei fylkesvise skattetala syner at Oslo har ein skattevekst på over 10 prosent, deretter kjem Akershus, Vestfold og Møre og Romsdal i same rekkjefølge med 7,8, 6,7 og 6,1 prosent auke. Nord-Trøndelag har ein nedgang i skatteinntektene på nærare 1 prosent, mens Hordaland, Oppland og Troms har under 1 prosent auke i skatteinntektene.

Den sterke auken i oljeskattane, samanlikna med fjoråret, forklarar den sterke auken i skatteinngangen totalt sett. Ser ein bort ifrå oljeskattane er skatteauken for Fastlands-Noreg på 5,1 prosent. For mai månad er ikkje oljeskattane med i summane.

I samband med løpande inntektsutjamning som er innført frå og med januar 2000, vil innbetalt og fordelt skatt kvar månad inngå i grunnlaget for utrekning av rammeoverføringane til kommunane. Informasjon om befolkningstal for dei ulike kommunane per 1. januar 1999 finst i tabell 44 på vår webside: http://www.ssb.no/folkemengde/ .

Tabeller:

• Tabell 1 Skatterekneskapsstatistikk. Innbetalt og fordelt skatt, etter ordning og art. Januar-mai 1998, 1999 og 2000. Millionar kroner
• Tabell 2 Skatterekneskapsstatistikk. Innbetalt og fordelt skatt. Januar-mai 1999-2000. Millionar kroner
• Tabell 3 Skatterekneskapsstatistikk. Innbetalt og fordelt skatt. Januar-mai 2000. Millionar kroner