Husdyrhald, 1. januar 2012, førebelse tal

Størst prosentvis nedgang var det i talet på jordbruksbedrifter med mjølkekyr og med svin, dei to gruppene hadde ein nedgang på respektive 5 og 4 prosent frå 2011 til 2012. Talet på bedrifter med mjølkekyr blei redusert med 600, til 10 350, i den same perioden. Talet på bedrifter med svin var på 2 700, 100 færre enn året før.

Knapt 14 500 jordbruksbedrifter hadde vinterfôra sau i 2012, dette er om lag det same talet som året før. Det var 1 900 bedrifter som hadde verpehøns, medan 600 hadde slaktekyllingar. Talet på bedrifter med verpehøns gjekk ned med 3 prosent frå 2011 til 2012, medan talet på bedrifter med slaktekyllingar var omtrent uendra i den same perioden.

Færre dyr

Det samla talet på storfe gjekk ned med 9 900 frå 2011 til 2012. Av dessa var 3 400 mjølkekyr. Talet på ammekyr auka med 1 100 i den same perioden. Talet på mjølkegeiter, sauer, verpehøns og alssvin gjekk alle ned med rundt 1 prosent, medan talet på slaktesvin og slaktekyllingar auka med om lag 1 prosent.

Større buskapar

Samstundes med nedgangen i talet på buskapar auka den gjennomsnittlege buskapsstorleiken. Dette blir særleg tydeleg om ein ser på utviklinga over fleire år. Eit bruk med mjølkekyr hadde i gjennomsnitt 23 mjølkekyr i 2012, medan gjennomsnittet var 15 i 2002. Dei som dreiv med sau, hadde i middel 72 vinterfôra sauer i fjøset i 2012, mot 55 ti år tidlegare. Blant svine- og eggprodusentane har utviklinga i retning større buskapar vore enda meir markert. Eit gjennomsnittleg bruk med alssvin hadde 75 alssvin i 2012, mot 34 i 2002. Gjennomsnittleg tal verpehøns per bruk auka frå 1 000 til 2 100 i same periode.

Tabeller:

• Tabell 1 Jordbruksbedrifter med husdyr og jordbruksbedrifter med ymse husdyrslag per 1. januar. Fylke
• Tabell 2 Talet på storfe og sau per 1. januar. Fylke
• Tabell 3 Talet på ymse husdyr per 1.januar. Fylke
• Tabell 4 Jordbruksbedrifter med ymse husdyrslag, etter buskapsstorleik. 1. januar