Husdyrhald, 1. januar 2011, førebelse tal

Talet på storfe i alt gjekk ned med drygt 2 prosent, til 857 200, frå 2010 til 2011. Talet på jordbruksbedrifter med mjølkeku blei redusert med knapt 700, til 11 000, ¹ i same perioden. Talet på jordbruksbedrifter med ammeku var 5 000, om lag det same som året før.

Færre driv med husdyr

Frå 2010 til 2011 gjekk talet på jordbruksbedrifter med husdyr ned med knapt 4 prosent, til 31 100. Størst prosentvis nedgang var det i talet på jordbruksbedrifter med mjølkegeit og jordbruksbedrifter med svin, som gjekk ned respektive 7 og 5 prosent.

Knapt 14 600 jordbruksbedrifter hadde vinterfôra sau i 2011, ein nedgang på 1 prosent frå året før. Om lag 1 900 bedrifter hadde verpehøner, medan vel 600 hadde slaktekylling. Talet på bedrifter med verpehøner gjekk ned med 3 prosent frå 2010 til 2011, medan nedgangen i talet på bedrifter med slaktekylling var 2 prosent i same perioden.

Tabeller:

• Tabell 1 Jordbruksbedrifter med husdyr og jordbruksbedrifter med ymse husdyrslag per 1. januar. Fylke
• Tabell 2 Talet på storfe og sau per 1. januar. Fylke
• Tabell 3 Talet på ymse husdyr per 1.januar. Fylke
• Tabell 4 Jordbruksbedrifter med ymse husdyrslag, etter buskapsstorleik. 1. januar