151697_not-searchable
/teknologi-og-innovasjon/statistikker/inet/aar
151697
Eitt av to private breiband raskare enn 10 Mbit/s
statistikk
2014-03-11T10:00:00.000Z
Teknologi og innovasjon;Svalbard
no
inet, Internett-målinga (avslutta i Statistisk sentralbyrå), breibandsabonnement, overføringskapasitet, overføringshastigheit, bedriftsmarknad, privatmarknadTeknologi og innovasjon, Informasjons- og kommunikasjonsteknologi - IKT, Teknologi og innovasjon, Svalbard
false

Internett-målinga (avslutta i Statistisk sentralbyrå), 2013

Innhald

Publisert:

Du er inne i ei arkivert publisering.

Gå til den nyaste publiseringa

Eitt av to private breiband raskare enn 10 Mbit/s

Trenden mot stadig raskare breiband held fram i 4. kvartal 2013: Då hadde halvparten av dei private breibanda ei hastigheit på meir enn 10 Mbit/s. Talet på faste private breiband har dessutan gått opp med om lag 27 000 sidan 3. kvartal.

Faste breibandsabonnementPublisert 11. mars 2014
4. kvartal 20133. kvartal 20134. kvartal 20124. kvartal 2012 - 4. kvartal 2013
EndringEndring i prosent
Faste breiband i alt1 915 5841 886 0501 851 60663 9783,5
Private breiband
Talet på private breiband1 778 9331 752 3521 716 00062 9333,7
Private breiband per 100 hushald78,777,576,72,02,6
Gjennomsnittshastigheit (Mbit/s)18,417,715,62,817,9
Medianverdi for nedlastingshastigheit (Mbit/s)10,29,28,61,618,6
Bedriftsbreiband
Talet på bedriftsbreiband136 651133 698135 6061 0450,8
Gjennomsnittshastigheit (Mbit/s)13,312,011,02,320,9
Medianverdi for nedlastingshastigheit (Mbit/s)5,54,55,30,23,8

Kilde: Statistisk sentralbyrå

I 4. kvartal 2013 nådde medianverdien for hastigheita for private breiband 10 Mbit/s. Dei nøyaktige tala viser ein auke frå 9,2 Mbit/s i 3. kvartal til 10,2 Mbit/s i 4. kvartal 2013. Samstundes har den gjennomsnittlege hastigheita for private breiband stige frå 17,7 til 18,4 Mbit/s. I 4. kvartal 2012 var den gjennomsnittlege hastigheita 15,6 og medianverdien 8,6 Mbit/s.

Den gjennomsnittlege hastigheita for bedriftsbreiband har sidan det føregåande kvartalet auka frå 12,0 Mbit/s til 13,3 Mbit/s. Samstundes har medianverdien for bedriftsbreiband auka frå 4,5 til 5,5 Mbit/s.

I 4. kvartal 2013 hadde 55 prosent av dei private breibandsabonnementa ein hastigheit på over 8 Mbit/s. Dette er ein auke frå 52 prosent i kvartalet før. Tilsvarande tal for bedriftsmarknaden var respektive 39 prosent og 36 prosent.

1 779 000 private breibandsabonnement totalt

Det var 1 779 000 private breibandsabonnement med faste tilgangar til Internett i Noreg med Svalbard ved utgangen av 4. kvartal 2013. Dette er ein auke på om lag 27 000 abonnement frå 3. kvartal 2013 og ein vekst på 63 000 i høve til det same tidspunktet i 2012.

Talet på abonnement i bedriftsmarknaden var om lag 137 000 i 4. kvartal 2013. Dette er ein liten auke på 3 000 i høve til kvartalet før og på 1 000 i høve til 4. kvartal 2012.

Rogaland har dei raskaste private breibanda

I Fastlands-Noreg er det framleis hushalda i Rogaland som har flest raske breiband. 74 prosent av alle private abonnement i fylket har ein hastigheit på over 8 Mbit/s. På Svalbard er den tilsvarande delen heile 82 prosent. Den lågaste delen med raske private breiband har Hedmark med 37 prosent. Gjennomsnittshastigheita for private breiband er på 24,7 Mbit/s i Rogaland, medan Finnmark ligg lågast på lista med gjennomsnittstal på 11,8 Mbit/s.

Skilnadene mellom fylka er mykje mindre for bedriftsbreibanda. Delen med raske breiband over 8 Mbit/s varierer mellom 32 prosent i Oppland og 46 prosent i Møre og Romsdal og Oslo. Gjennomsnittshastigheita for bedriftsbreiband er høgast i Oslo med 17,7 Mbit/s og lågast i Oppland med 9,4 Mbit/s.

Oslo har flest breibandsabonnement i hushalda

På landsbasis hadde 79 prosent av hushalda breiband i 4. kvartal 2013. Auken frå 4. kvartal 2012 er på 2 prosentpoeng. Oslo er fylket med flest breibandsabonnement i prosent av hushalda, med 88 prosent. På Svalbard er talet 90 prosent. Finnmark har stadig lågast privat utbreiing av breiband, med 66 prosent.

Ikkje alle leverandørar med i statistikkenÅpne og lesLukk

Talet på leverandørar av breiband som gjev opplysningar til denne undersøkinga, har dei siste åra lege på om lag 200. Endringar i bransjen har gjort at talet har gått noko ned, til rundt 160. Det kan framleis mangle nokre små, men lokalt viktige leverandørar av breiband i undersøkinga. Det gjeld særleg kabel-TV-selskap som òg leverer Internett med breiband. Måten dei driftar anlegga sine på, gjer det noko komplisert å få dei med i undersøkinga. Nokre små feil i delinga av abonnentane mellom kommunar kan førekome. Dette kan gjere store utslag på delen av abonnement i høve til hushalda i einskilde kommunar.