12713_not-searchable
/priser-og-prisindekser/statistikker/ppi/arkiv
12713
Lågare prisar på raffinerte produkt
statistikk
2000-12-11T10:00:00.000Z
Priser og prisindekser;Energi og industri;Nasjonalregnskap og konjunkturer
no
ppi, Produsentprisindeksen, prisutvikling, inflasjon, hjemmemarked, eksportmarked, konjunkturindikator, innsatsvarer, energivarer, konsumvarer, investeringsvarer, metallindustri, næringsmiddelindustri, oljeraffinering, maskinindustri, gruvedrift, metallpriser (for eksempel gull, aluminium, kobber)Energi, Industri og bergverksdrift, Konjunkturer, Olje og gass, Produsent- og engrosprisindekser, Energi og industri, Nasjonalregnskap og konjunkturer, Priser og prisindekser
false

Produsentprisindeksen15. november 2000

Innhold

Publisert:

Du er inne i en arkivert publisering.

Gå til nyeste publisering

Lågare prisar på raffinerte produkt

Produsentprisindeksen hadde inga endring frå oktober til november. Oppgang innanfor oljeutvinning og bergverksdrift blei motverka av fall i prisane i industrien der dei raffinerte produkta trekte mest ned. 12-månadersendringa (november 1999-november 2000) til totalen blei 6,6 prosent.

Prisoppgangen innanfor oljeutvinning og bergverksdrift kjem hovudsakleg av auke i råoljeprisen. Etter London Spot Markets steig gjennomsnittsprisen på Brent Blend med vel 2,5 prosent frå oktober til november (målt i NOK). Indeksen for denne gruppa steig med 1,5 prosent. 12-månadersendringa fall frå 29,2 i oktober til 24,9 i november.

Noko nedgang i prisane i industrien

Det største bidraget til nedgangen kjem frå gruppa produksjon av kjemiske produkt, mineralolje-, kol-, gummi- og plastprodukt, der prisane gjekk ned 1,6 prosent frå oktober til november. Fallet kjem hovudsakleg av lågare prisar på raffinerte produkt. På London Spot Markets fall prisen på blyfri bensin og tung fyringsolje med respektive 10 og 8 prosent frå førre månad. Andre grupper som viste nedgang var metall kor prisane fall med 0,7 prosent, og treforedling, grafisk produksjon og forlagsverksemd som hadde ein prisnedgang på 0,3 prosent. Tal frå London Metal Exchange viser at prisen på aluminium fall 2,3 prosent frå førre månad, mens nikkel fall 4,5 prosent (målt i NOK). Den største oppgangen i pris var i gruppene for produksjon av næringsmiddel, drikkevarer og tobakksvarer og produksjon av verkstadsprodukt som begge auka med 0,3 prosent frå oktober til november.

Samla gjekk prisane i industrien ned med 0,2 prosent. 12-månadersendringa gjekk frå 5,4 prosent i oktober til 4,9 prosent denne månaden.

Produsentprisindeks. 1981=100
  November 2000 Endring i prosent
  Oktober 2000-november 2000 November 1999-november 2000 Januar-november 1999 - januar-november 2000
Totalindeks 182,9 - 6,6 7,3
Oljeutvinning og bergverksdrift 149,7 1,5 24,9 36,6
Industri 185,6 -0,2 4,9 4,8
Produksjon av næringsmidlar, drikkevarer og tobakksvarer 207,1 0,3 2,5 0,6
Produksjon av tekstilvarer, bekledningsvarer, lær- og lærvarer 160,9 - 1,3 0,8
Produksjon av trevarer 193,4 0,1 2,4 2,5
Treforedling, grafisk produksjon og forlagsverksemd 211,2 -0,3 3,6 4,1
Produksjon av kjemiske produkt, mineralolje-, kol-, gummi- og plastprodukt 159,1 -1,6 14,5 17,6
Produksjon av mineralske produkt 218,8 - 1,6 1,4
Produksjon av metall 147,8 -0,7 6,6 9,0
Produksjon av verkstadsprodukt 193,8 0,3 2,6 1,8