Prisindeks for førstegangsomsetning innenlands, 15. januar 2007

Prisane på brenselstoff, smørjeolje og straum gjekk ned med 9,6 prosent. Prisane på mineralolje og mineraloljeprodukt viste i motsetning til den førre månaden ein nedgang. Dette kjem av høgare oljelager enn på same tid i fjor, i tillegg til mildvêret. Varm vinter dei fyrste vekene av januar gjorde at prisane på straum heldt fram med å falle også den månaden.

Råvarene hadde ein prisauke i januar på 6,3 prosent. Dette kjem av prisstigning på tømmer og trelast og malmar og avfall av metall. Tømmer og trelast hadde ein markant prisauke på 5,2 prosent. Dette kjem av stor etterspurnad etter trelast og har si årsak i ein sterk vekst i byggjebransjen.

Prisane på matvarer gjekk òg opp. Dette kjem av høgare prisar på fisk, grønsaker og frukt.

Tolvmånadersendring, januar 2006 til januar 2007: Svak prisoppgang på 0,5 prosent

Frå januar 2006 til den same månaden i år har prisindeksen auka med 0,5 prosent. Dette har si årsak i ein prisauke innanfor alle varegruppene, unnateke energivarer og ferdigvarer. Matvarene auka med 4,9 prosent, og dette kjem spesielt av høgare prisar på fisk og dyrefôr. Også råvarene medverka til oppgangen med ein prisauke på 26,2 prosent, noko som har si årsak i høg prisauke på malmar og avfall av metall. Energivarene viste ein kraftig nedgang jamført med i fjor, og motverka prisoppgangen i tolvmånadersendringa.

Endra vekter i indeksen

Prisindeksen blir rekna ut som eit vege snitt av observerte prisendringar. Vektene som blir nytta skal gi uttrykk for ulike næringar sin del i norsk industriproduksjon og import. For at dei, og indeksen, skal gi eit mest mogeleg riktig bilete av den skiftande næringsstrukturen, blir vektene fornya kvart år og innførte i utrekninga frå januar. Vektene for 2007 skil seg ikkje tydeleg frå dei for 2006. På grunn av dei høge energiprisane i 2006 har påverkinga frå energivarer auka noko. Kjemiske produkt har også auka sin del. Dei tilsvarande nedgangane kjem mest i delane til matvarer, maskinar og råvarer.