Prisindeks for førstegangsomsetning innenlands, 15. november 2002

Prisane på brenselstoff, smørjeolje og elektrisk straum gjekk ned 2,9 prosent frå oktober til november. Elektrisk straum hadde ein prisoppgang med 27 prosent, men utviklinga blei utjamna av ein nedgang i prisane på mineralolje og mineraloljeprodukt på 12,6 prosent. Straumprisane har auka om lag 80 prosent sidan juli. Matvareprisane gjekk opp med 0,9  prosent og var den einaste hovudgruppa der prisane gjekk opp. Ingen varer i denne gruppa gjekk ned i pris frå oktober til november, og prisane på grønsaker, frukt og fisk auka mest.

På heimemarknaden steig prisane med 0,8 prosent. Prisauken på elektrisk straum og matvarer var årsaka til den totale utviklinga.

12-månadersendring: Auke på 3,5 prosent

12-månadersendringa for indeksen viste ein oppgang på 3,5  prosent. Årsaka er at prisane på brenselstoff, smørjeoljer og elektrisk straum har auka med 15,2 prosent. Elektrisk straum medverkar sterkt til denne utviklinga med ein prisauke på 64 prosent.

Dei fleste hovudgruppene av varer hadde eit prisfall. Matvarer gjekk om lag 1 prosent ned i pris, og hovudårsaka var at prisane på fisk og grønsaker fall med 7,7 og 5,9 prosent i denne perioden. Matvarene fall i pris om lag heile året samanlikna med i fjor, då prisane viste ein auke. Råvareprisane gjekk ned med 5,5 prosent.