Prisindeks for førstegangsomsetning innenlands, 15. november 2001

Prisane på brenselstoff, smørjeoljer og elektrisk straum gjekk ned 6,6 prosent frå oktober til november. Nedgangen kjem av lågare prisar på mineralolje og mineraloljeprodukt. Prisane på råvarer gjekk ned 1,1 prosent og har vist fall sidan juni. Maskiner og transportmiddel samt matvarer var dei einaste gruppene der prisane viste vekst, begge gjekk opp 0,1 prosent.

12-månadersendringa; prisane 8,8 prosent lågare enn i fjor

12-månedersendring (november 2000-november 2001) for indeksen samla blei -8,8 prosent. Dette kjem av nedgang i prisane for brenselstoff, råvarer og bearbeidde varer. Brenselstoff, smørjeoljer og elektrisk straum gjekk i denne perioden ned 35 prosent. Råvarer gjekk ned 13,3 prosent, hovudsakleg grunna nedgang i prisane på malm og avfall av metall samt papirmasse og papiravfall. Sterkast oppgang var å finne blant matvarer samt maskiner og transportmiddel der prisane har stege respektive 3,7 og 2,9 prosent i forhold til november i fjor.

Utviklinga i 12-månadersendringa

Sidan april i år har 12-månadersrata gått frå å vere vel 7 prosent til -8,8 prosent i november - førre månaden var den -7,0 prosent. Brenselstoff ligg no på -35 prosent, etter å ha vore -30,3 prosent i oktober. Matvarene gjekk frå 4,8 til 3,7 prosent. I denne gruppa var det 12-månadersveksten for fisk, krepsdyr og blautdyr som viste størst nedgang grunna lågare vekst i prisane frå oktober til november i år jamført med same periode i fjoråret.

Einaste gruppe med vekst i 12-månadersendringa var bearbeidde varer. Her var prisane 3,6 prosent lågare i oktober, mens dei i november var 3,5 prosent lågare.