Fag- og forskingsbibliotek, 2006

Digitaliseringa av dokument held fram. Ved siste årsskifte var det over 670 millionar digitale dokument i samlingane til fag- og forskingsbiblioteka. Dette er ein auke på 315 millionar. Nesten alle dei digitale dokumenta er i Nasjonalbiblioteket sine samlingar. Årsaka til denne store auken er at Nasjonalbiblioteket har fortsett arbeidet med å ta vare på flest mogleg nettdokument frå det norske domenet på Internett, som eit ledd i å bevare den digitale kulturarven.

Forutan bøker består dei fysiske einingane av manuskript, mikroformer, kartografisk materiale, musikaliar, patent og anna bibliotekmateriale. Patenta utgjer òg litt under 40 prosent av det fysiske materiale. Grafisk og kartografisk materiale utgjer nær 10 prosent, medan dei ulike andre einingane kvar utgjer ein liten del av samlingane.

Flest lokale utlån

Mesteparten av utlåna ved fag- og forskingsbiblioteka er lokale utlån, heile 89 prosent av dei over 4 millionar utlåna er lokale. Det er ved universitetsbiblioteka og ved høgskolebiblioteka at utlånet er høgast, om lag 87 prosent av totalt utlån er ved desse biblioteka.

Dei samla utgiftene for biblioteka var om lag 1,3 milliardar kroner i 2006. Ikkje alle biblioteka fører kostnader til løn i rekneskapane sine, i nokre tilfelle vert løn dekt av institusjonen. Ved utgangen av 2006 vart det utført 1 547 årsverk ved dei 314 bibliotekeiningane som statistikken omfattar. Fire av fem årsverk var utførte i bibliotekfaglege stillingar.

Tabeller:

• Tabell 1 Fag- og forskingsbibliotek. Hovudtabell. 2006
• Tabell 2 Fag- og forskingsbibliotek. Bøker, periodika, utlån, innlån, utgifter, tilsette og årsverk. 2006