Fag- og forskingsbibliotek, 1999

Biblioteka ved universiteta og høgskolane hadde til saman nær to tredelar av den registrerte bestanden av bøker og tidsskrifter, medan dei offentlege spesialbiblioteka hadde knapt 18 prosent. Nasjonalbiblioteka hadde vel 10 prosent, medan resten var registrert ved dei private spesialbiblioteka.

Om lag 3,8 millionar utlån vart utførte ved fag- og forskingsbiblioteka i 1999. Av dette var knapt 500 000 fjernlån, medan 3,3 millionar var lokale lån. Fjernlån er lån mellom biblioteksystema under ulike administrative einingar.

Utgiftene for 1999 synte at biblioteka i alt brukte drygt 197 millionar kroner til innkjøp (akkvisisjon) av materiale til samlingane. Biblioteka ved universiteta og dei vitskapelege høgskolane stod for halvparten av dette. Det vart i alt kjøpt inn knapt 520 000 nye bøker og tidsskrifter i 1999.

I alt var det i 1999 registrert vel 1 800 tilsette ved dei i alt 362 bibliotekeiningane. Halvparten av desse var tilsette i bibliotekfaglege stillingar. I alt utførte dei tilsette vel 1 550 årsverk. Dei bibliotekfaglege tilsette utførte 57 prosent av årsverka.

Statistikken for fag- og forskingsbibliotek er utarbeidd av Statistisk sentralbyrå og vert samla inn i samarbeid med Riksbibliotektenesta.

Tabeller:

• Tabell 1 Fag- og forskingsbibliotek. Hovudtabell. 1999
• Tabell 2 Fag- og forskingsbibliotek. Bøker, periodika, utlån, innlån, utgifter, tilsette og årsverk. 1999