Sjøfiske etter laks og sjøaure, 2012/2013

Nedgangen i fisket dei siste åra kjem av dei sterke reguleringane som blei innførte i 2008. Denne tilbakegangen heldt fram i 2013. Det var nedgang i fangstane i alle fylka, bortsett frå i Nord-Trøndelag og Nordland. Størst reduksjon var det i Finnmark og Møre og Romsdal.

Høgare gjennomsnittsvekt for laksen

Fangsten fordelte seg på 192 tonn laks og 2 tonn sjøaure. Gjennomsnittsvekta for laks var 4,6 kilo i 2013, mot 4,4 kilo året før. 14 prosent av laksen vog under 3 kilo, 58 prosent vog mellom 3 og 7 kilo, medan 28 prosent vog over 7 kilo. Prosenttala for 2012-sesongen var respektive 20, 46 og 33.

Nedgang i Finnmark

I Finnmark, som framleis er det viktigaste laksefylket, blei det fiska 98 tonn laks i fjordane. Dette er ein nedgang på 18 prosent frå året før, men fangsten utgjorde likevel 51 prosent av den totale laksefangsten i sjøen i Noreg. Blant kommunane hadde Namsos, Sør-Varanger og Alta dei største fangstane.

Mindre fangst av rømt oppdrettsfisk

Langs kysten frå Rogaland til Troms er det høve til å fiske etter rømt oppdrettsfisk i utvida sesong. Fisketida er frå 5. august til 28. februar. I sesongen 2012/13 blei det fiska 7 tonn, fordelt på 6,9 tonn oppdrettslaks og 0,1 tonn oppdretta sjøaure. Dette er 32 prosent mindre enn førre sesongen. Gjennomsnittsvekta var 4,0 kg for oppdrettslaks og 2,4 kg for rømt sjøaure.